Манай монгол улс эртний түүх дурсгалын эд зүйлсээр баялаг эх орон. Тиймдээ ч бид өнөө хэр байс гээд л нэн эртний олдвоор олсоноо зарладаг бөгөөд зарим томоохон дурсгалуудаа хүний гарт алдчихаад буцаан аван баяр хөөр болж яваа. Уг нь эрдэмтэд ихэвчлэн хөдөө хээр талаас иймэрхүү дурсгал олддог. Харин саяхан нийслэл хотоос бүр Хүннүгийн үеийн түүх дурсгалын эд зүйлс олдсон тухай мэдээлэл чих дэлслээ.
Тухайлбал Сонгинохайрхан дүүргийн “Зүүн салаа, Баянхошуу”-ны орчмоос Хүннүгийн үетэй холбогдох 20 гаруй булш бүхий оршуулгын цогцолбор олдсон гэх мэдээлэл байна. Цогцолборуудыг түүх, соёл судлалын профессорын багийнхан илрүүлсэн бөгөөд одоогоор малтлагынхаа эрхийг авахаар ажиллаж байгаа гэнэ.
Хэрвээ малтлагын зөвшөөрлөө авчих юм бол археологчид оршуулгыг малтаж, газар дор байгаа өвийг бүртгэн судлаж, тухайн нийгмийн зан үйл соёл, аж байдал хэрхэн байсан талаарх нууцад нэвтэрч болох гэнэ. Үүнээс өмнө мөн Гацууртаас зүүн тийш “Хуандай ам”, “Хөх хошуу”-наас хүрлийн үеийн хиргэсүүр илрүүлсэн байсан байна.
Ийнхүү манай улсын хаана бол хаана л түүхийн үнэт олдвор нуугдсан байж магадгүй байдаг аж. Гэвч зарим иргэд үүнийг нь мэдэхгүй, газар дээр нь барилга барьж, 00 хүртэл ухсан байдаг нь тэдгээрийг устах аюулд оруулж магадгүйд хүргээд байгааг эрдэмтэд сануулж байгаа гэнэ.
www.URLAG.mn
