Попын хаан Майкл Жексоны охин Парис сүүлийн үед сэтгэлийн хямралд өртөж, амиа хорлох оролдлого хүртэл хийсэн. Гэр бүлийнхэн нь охиныг юу ингэтлээ хямраагаад байгаагийн учрыг олохоор хичээгээд эцэстээ гол буруутныг фэйсбүүк гэсэн дүгнэлтэд хүрсэн гэнэ.
Фэйсбүүкээр хүмүүс эцгийнх нь талаар элдвийн муу муухай сэтгэгдэл бичиж, охиныг огт тайван байлгахгүй байсаар сэтгэлийн хямралд хүргэсэн гэж үзсэн байна. Одоогоор Парис охин эмнэлэгт хэвтэн эмчлүүлж байгаа. Гэвч эмнэлгээс гармагцаа дахиад л фэйсбүүкт орж, улмаар дахиад л хямарч эхэлнэ гэж сэрэмжилж байгаа гэнэ.
Гэр бүлийнхэн нь Парисын фэйсбүүк хаягийг устгачихья гэсэн ч нийгмийн сүлжээний журмын дагуу 13 хүрсэн хүн өөрөө л хаягаа устгахыг зөвшөөрдөг. Тиймээс Парис өөрөө хаягаараа орж байж устгах учиртай ажээ.
"Тэр аавын хайртай охин байсан. Мэдээж, эцгийгээ өнгөрсний дараагаар хамгийн их хямарсан хүн нь тэр байсан" гэж Майкл Жексоны хүү Принц өгүүлжээ.
Эх сурвалж: new.mn
