Дуучин Адель бяцхан хүүтэйгээ Манхеттэний амьтны хүрээлэнгээр зугаалж явахад нь папараццичид дурандаа буулгасан байна. Найман сартай Анжелогийн малгайных нь завсраар улаан үс нь зэрвэс цухуйжээ. Тэд ирвэс, цагаан баавгай, оцон шувуудыг сонирхсон бөгөөд дараа Адель хүүгээ газар буулгаж ямаа, алпака зэрэг амьтдыг тун ойроос үзүүлсэн гэнэ.
Дуучин бүсгүй Лос Анжелес дахь гэртээ хүүгээ асарч байгаа бөгөөд Нью-Йорк дахь аялал нь гайхалтай сэтгэгдэл төрүүлсэн аж. Учир нь илбэчин Дэвид Блэйн Аделийн оройн хоолны үеэр ирж илбээ сонирхуулжээ. Тэрээр твиттертээ “Урьд нь үзээгүйгээ үзлээ. Намайг бүр эргүүтүүлж амжсан шүү” гэж бичсэн юм.
Адель “Skyfall” дуунаасаа хойш уран бүтээл хийгээгүй байгаа бөгөөд түүний хүчирхэг хоолойг шүтэн бишрэгчид нь үгүйлж л суугаа байх. Ойрын хугацаанд яаран уран бүтээлдээ эргэж орох төлөвлөгөөгүй байгаа аж.
www.URLAG.mn
