Бид энэ удаагийн “Mobile photo” булангаараа жүжигчин А.Алтанхуягийн фотог онцолж байна. Түүнийг бид “Тусгай салаа” киноны Сүлдийн дүрээр нь илүү мэдэх билээ. Тэрбээр уг зургаа өөрийн фейсбүүк хуудаснаа постлосон байсан юм.
Жүжигчин А.Алтанхуяг 2008 онд СУИС-ийг жүжигчин мэргэжлээр дүүргэсэн бөгөөд түүнээс өнөөг хүртэл мэргэжлээрээ ажиlлаж байгаа билээ. Түүнийг олонд таниулсан дүр нь “Тусгай салаа” киноны Сүлдийн дүр. Тухайн кино гарсан цагаасаа л үзэгчдийг дэлгэцийн өмнө уяж байсан гэхэд хилсдэхгүй. “Тусгай салаа” кино “Гоо марал-2010” наадмаас “Телевизийн шилдэг бүтээл” номинацид тэргүүлж гоо маралын эзэн болж байсан.Жүжигчин А.Алтанхуяг уг кинонд Баян айлын эрх хүүгийн дүрийг чадварлаг бүтээж, үзэгчдээс өндөр үнэлгээ авсан. Тиймдээ ч өнөөг хүртэл Сүлд нэр нь түүнээс салаагүй байгаа билээ. Түүнчлэн тэрбээр дурлалт хосууддаа зориулж “Хос зүрх” хэмээх дуу дуулж, дүрсжүүлэн олонд хүргэсэн авъяаслаг жүжигчин.
www.URLAG.mn
