"Формула-1"-ийн нисэгч Льюис Хэмилтон дуучин, найз бүсгүй Николь Шерзингерээс харилцаагаа дахиад л тасалжээ. Тэд хэдхэн хоногийн өмнө л "Таван жил үерхлээ. Одоо дараагийн алхмаа хийх цаг болсон" хэмээн хэвлэлээр ярьж байсан бол хуримаа хийх биш харин салахаар шийдсэн гэнэ.
Тэдний салалтын гол шалтгаан нь хоёулаа толгой өөд татах завгүй ажиллаж буйгаас болсон аж. Хэмилтон уралдаандаа оролцоод, олон улсаар аялсаар буй бол Николь Шерзингер The X Factor-ийн шүүгчийн хувиар Их Британийн хотуудаар аялан, авьяастныг эрж хайн, тодруулсаар байгаа ажээ.
"Тэд нэг улсад хэсэгхэн хамтдаа байх ч боломжгүй болчихсон. Ийм нөхцөлд харилцаагаа хадгалан үлдэх их хэцүү шүү дээ. Тэд хэн хэнийхээ ажил, мэргэжлийг ихэд хүндэлдэг. Тиймээс өөрийнхөө хүсэл бодлыг тулгаж чаддаггүй. Энэ нь л тэдний харилцааг дахиад тасрахад хүргэлээ" гэж ойрын гэх эх сурвал өгүүлсэн байна.
Хэмилтон Шерзингер нарын хоёр жилийн өмнө мөн дээрх шалтгаанаар харилцаагаа тасалж байсан ч эргээд нийлсэн юм.
www.URLAG.mn
