Жефф Уодлоу зохиолыг нь бичиж, найруулсан “Kick Ass” киноны хоёрдугаар ангийн нээлтийг Энэтхэгт наймдугаар сарын 2-нд хийх бол, АНУ-ын үзэгчдэд 16-нд толилуулж, 22-нд Шинэ Зеландад дэлгэцэнд гаргах юм байна.
Киноны гол дүрд Жим Керри, Аарон Тейлор Жонсон, Кристофер Минц Пласс, Хлоя Морец нар тогложээ.
Жеймс Мэнголдын найруулсан “The Wolverine” 3D кино энэ сарын 25-нд Герман, Австралид нээлтээ хийх бол 26-нд АНУ-д дэлгэцэнд гарна.
Хью Жекман гол дүрийг нь бүтээсэн уг киног есдүгээр сарын 13-нд Японы үзэгчдэд толилуулахаар төлөвлөжээ.
Ялангуяа жүжигчин Жонни Деппийн фэнүүдийн тэсэн ядан хүлээж байсан “The Lone Ranger” тулаант, адал явдалт кино өчигдөр АНУ-д нээлтээ хийсэн бол өнөөдөр ОХУ-д, ирэх мягмар гаригт Англид, наймдугаар сарын 8-нд Германд нээлтээ хийх юм.
Гол дүрд Жонни Депптэй хамт Арми Хаммер тоглосон.
Роб Эпштейн, Жеффри Фридман нар хамтран найруулж, жүжигчин Аманда Сейфридийн тоглосон “Lovelace” кино ирэх сарын 9-нд АНУ-д, 23, 30-нд Англи, Бразилд албан ёсны нээлтээ хийх юм байна.
П.Тун
