Холливудын нэрт жүжигчин Анжелина Жоли Хавайн Оэху аралд хоёр хүүхдийнхээ хамт буусан байна. Түүнийг ирэх сургаар нутгийн иргэд нисэх онгоцны буудлын үүдийг сахиж, гарч ирмэгц нь бүчин авчээ.
Анжелина Оэхуд шинэ киноныхоо зураг авалтыг эхлүүлэхээр очсон юм. Түүний найруулах шинэ уран бүтээл "Мятаршгүй" гэдэг нэртэй. Хэдийгээр сар гаруйхны өмнө хөхөндөө мэс засал хийлгэж, хорт хавдраас ангижирсан ч гэсэн Анжелина Жоли Африкийн дүрвэгчдийн төлөөх Хүмүүнлэгийн элчийн ажлаа гүйцэтгэхийн зэрэгцээ шинэ киногоо ийнхүү эхлүүлж амжаад байна.
"Мятаршгүй" киног Дэлхийн хоёрдугаар дайны үеийн баатруудын нэг Лу Замперинигийн түүхээс сэдэвлэн бүтээхээр шийджээ. Анжелина киноныхоо зураг авалтад эхний удаад найман долоо хоног зарцуулах юм байна. Тэрээр Оэху арал дээр зургаан хүүхдийнхээ хоёрыг буюу 11 настай Мэддокс, 9 настай Пакс нарыг дагуулж очжээ.
Эх сурвалж: www.new.mn Р.Гэгээ
