Ардын язгуур урлагийн “Хөгсүү” чуулгаас санаачлан Бий биелгээг "Гиннесийн номон"-д бүртгүүлэх их үйлсийг сүүлийн хэдэн жилийн турш үргэлжлүүлэн хийсээр ирсэн билээ. Уг ажил биеллээ олж энэ сарын 10-нд буюу маргааш Сүхбаатарын талбайд Халх, буриад, барга, үзэмчин, дарьганга, цаатан, дархад, хотгойд, дөрвөд, баяд, урианхай, хотон, тува, захчин, торгууд, өөлд, мянгад, казак зэрэг 10 гаруй ястаны 5000 бийлээчид нэгэн зэрэг бийлж их өв соёлоо дэлхий нийтэд тунхаглан зарлахаар өдөр бүр Сүхбаатарын талбайд бэлтгэлээ хийсээр байгаа билээ.
Тэгвэл маргааш Монголын Бий бийлээчид "Гиннесийн номон"-д бүртгүүлж гэрчилгээгээ авах болсон тухай Нийслэлийн соёл, урлагийн газрын дарга Б.Батцэнгэл өөрийн "facebook" хуудсандаа нийтэлжээ. Тэрээр гэрчилгээ бэлэн болсон талаар дурьдаад түүнийг барин зургаа авхуулж, нийт бий бийлээчдээрээ бахархан буйгаа илэрхийлсэн байна. Ийнхүү өвөг дээдсээс өвлүүлэн үлдээсэн аугаа их түүх, өв соёлоо эх орон, ард түмнийхээ нэр дээр бүртгүүлэх гэж эх орныхоо өнцөг булан бүрээс хүрэлцэн ирж олон хоног бэлтгэн буй нийт Бий бийлээчдээ уран бүтээлийн өндөр амжилт хүсэн ерөөе.
Та бүхнийг урлагийн тэнгэр ивээг…
www.URLAG.mn
