Урлаг.мнУрлаг.мн
    Facebook Twitter Instagram
    Урлаг.мнУрлаг.мн
    • Дуу
    • Хөгжим
    • Жүжиг
    • Зураг
    • Зохиол
    • Язгуур урлаг
    Facebook Twitter Instagram
    Урлаг.мнУрлаг.мн
    Урлаг.мн»Бусад»Лувсанжамбын Мөрдорж
    Бусад

    Лувсанжамбын Мөрдорж

    Урлаг Урлаг26/07/2012Сэтгэгдэл байхгүй2 минут уншина
    Facebook Twitter LinkedIn Имэйл Telegram WhatsApp
    mordorjweb_(2)3037960242012-04-30-19-52[www.golio.mn].jpg
    Share
    Facebook Twitter LinkedIn Pinterest Имэйл

     Лувсанжамбын Мөрдорж МУГЖ 1936 он, Төрийн шагнал 1948 ба 1951 он, АЖ 1975 он

    Төв аймгийн Сэргэлэн сум. Монгол Улсын ардын жүжигчин /1975/. Гавьяат жүжигчин /1944/. Төрийн хошой шагнал /1948,1951/.

    Монголын төр, шашны тэргүүн VIII богд Жавзандамба хутагтынд үрчлэгдэж, тэдний ивээл халамжинд өссөн энэ хүн бага сургуулийг 1929 онд, Санхүүгийн сургуулийг 1932 онд, Москвагийн П.И.Чайковскийн нэрэмжит хөгжмийн их сургуулийг 1956 онд төгсчээ. Хөгжмийн зохиолч мэргэжилтэй.  1932 оноос Улсын Төв театрт хөгжимчин, 1936 оноос цэргийн чуулгад хөгжимчин, дарга, 1941 оноос Улсын циркт хөгжимчин, удирдаач, 1956 оноос УАДБЧ-д хөгжмийн зохиолч, 1970 оноос УБДС-д багш, 1974 оноос чөлөөт уран бүтээлчээр ажиллажээ. Ардын хувьсгалын 15 жилийн ойгоор 1936 онд болсон хөгжимчдийн улсын уралдаанд хуучир хөгжмөөр шалгарч 17 настайдаа улсын алдарт гавьяат хөгжим- чин алдар цол хүртжээ. "Миний эх орон", "Октябрь", "Ардын наадам", "Залуучууд" симфони, "Хөхөө Намжил", "Жаргалын зам" дуурь "Эх орны магтуу", "Хаврын шувууд ирлээ", "Унагаи жороо", "Чавхдаст хөгжмийн гурвал", "Хийл төгөлдөр хуурын сонатино" хөгжмийн гоцлолууд, "Энэ хүүхнүүд үү", "Ардын элч", "Алтан өргөө" уран сайхны кино, "Орчин үеийн монгол", "Миний монгол" баримтат кино, "Түүхт хил", "Эх орон", "Ган зам", "Дөрвөн цагийн тал" зэрэг олон арван дуу гэхчлэн хөгжмийн уран бүтээлийн бүхий л төрлөөр туурвиж монголын орчин үеийн хөгжмийн тулгын чулууг тавилцаж, арвижуулан баяжуулсан байна.  Симфони бүтээлийг эх орондоо анх түрүүн бүтээж, Монгол Улсынхаа Төрийн дууллыг бүтээлцэж, Монгол үндэсний найрал хөгжмийн сонгомол дэг сургуулийг бий болгож, манай шинэ үеийн хөгжмийн үндэсний сэтгэлгээг төлөвшүүлэхэд асар их гавьяа байгуулсан томоохон сэтгэгчийн нэг байжээ. Түүний зохиосон дуугаар манай эх орон ургах нарыг угтаж, жаргах нарыг үдэж байдаг билээ. Сүхбаатарын одон, бусад одон, медалиар шагнагджээ.

     

    Хуваалцах. Facebook Twitter Pinterest LinkedIn Tumblr Имэйл
    Урлаг
    • Вэбсайт

    Төстэй нийтлэл

    Бусад Урлаг

    Ю.Цэдэнбал ба “Тэнгэрийн таалал”

    21/07/2016
    Бусад Урлаг

    Нэрт хөгжимийн зохиолч, удирдаач, МУАЖ,Төрийн шагналт Самбын Гончигсумлаа

    07/05/2015
    Бусад Урлаг

    Төрийн соёрхолт яруу найрагч Цогдоржийн Бавуудорж

    03/02/2015

    Сэтгэгдэл хаалттай

    Сүүлд нэмэгдсэн

    Дуучин А.Хосбаярын “Богд хээрийн дуулал” тоглолтын тасалбар худалдаанд гарлаа

    18/09/2023

    Шинэ клип: “Богд хээрийн дуулал”

    06/09/2023

    Жүжигчин Б.Барслхагвагийн Япон улсын хэвлэлд нийтлэсэн ярилцлага

    16/08/2023

    “Бүгд чамд хайртай” жүжгийг есдүгээр сарын 1-нээс тоглоно

    16/08/2023

    Даншиг наадамд Халимагийн алдарт туульч, дуучин О.Цагаанзам, Буриадын реппер Сарюна, Alihan DZE зэрэг 17 уран бүтээлч оролцоно

    02/08/2023
    Дараахи
    Facebook Twitter Instagram Pinterest
    • Бидний тухай
    • Холбоо барих
    © 2009-2023 зохиогчын эрх хуулиар хамгаалагдсан.

    Хайх утгаа бичээд Enter дарна уу. Болих бол Esc дарна уу.