"Гарьд Магнай" киног монголчууд андахгүй. Үйл явдлын өрнөл, хэллэг сайтай, түүх уламжлалаа сайтар хадгалж бүтээж чадсан шилдэг кинонуудын нэгийг Урлагийн гавьяат зүтгэлтэн Ж.Бунтар найруулж, зохиолыг нь ардын зохиолч Ш.Сүрэнжав бичсэн. Энэхүү киноны дүр бүр дээр 20-30 хүнийг сорьж, пробонд оруулж шалгаж байж, шигшиж сонгосон гэдэг. Харин ганц л дүрийг шууд цохоод авсан нь Молиго Очирын дүрийг бүтээсэн Алтангэрэл юм. Ж.Бунтар гуай "Би энэ киноны найруулагчийн хувьд Молиго Очирын дүрд хэнийг тоглуулахаа шууд цохоод авчихья. Надад түүний л дүр тусаад байна" гэж хэлсэн нь Алтангэрэл байжээ.
Алтангэрэл нь Архангайн театрт дуучин байгаад хожмоо, хотод ирж жүжигчин болсон аж. Хэд хэдэн кинонд сайхан дүр бүтээсэн энэ хүний дүрд монголчууд бүгдээрээ хайртай байдаг билээ.
Эх сурвалж: new.mn Р.Гэгээ
