Английн уран зохиолын томоохон шагналуудын нэг Букерийн шагналд нэр дэвшигчид тодорчээ. Шүүгчид энэ удаад 13 номыг сонгож аван тэмцээний цахим хуудсанд тавьсан байна. Сонгон шалгаруулалт есөн сарын хугацаанд үргэлжилсэн аж.
Жагсаалтад энэ удаа залуу зохиолч Элеанор Каттон “The Luminaries” роман, Донал Райан “The spinning heart” романаараа анх удаа орж байгаа юм. Жим Крэйсийн хамгийн сүүлчийн бүтээл “Harvest” мөн үүнд багтсан аж.
Букерийн шагналын эзэн аравдугаар сарын 15-ны өдөр тодрох бөгөөд тэрбээр 50000 фунт стерлинг (1.125.000.000 төгрөг) авах юм.Энэхүү шагналыг анх 1969 оноос эхэлж Үндэстнүүдийн хамтын нөхөрлөлийн улсууд, Ирланд болон Зимбабвегийн нэг зохиолчийн англи хэлээр бичсэн зохиолд өгөхөөр болжээ.
О.Анударь
