Зууны манлай зохиолч Ч.Лодойдамбын “Солонго” өгүүллэг тун удахгүй кино болон үзэгчдэд хүрэхээр болсон байна. Киноны зохиолыг Ардын жүжигчин, найруулагч Г.Жигжидсүрэн бичиж байгаа бөгөөд өөрөө найруулагчаар нь ажиллах юм байна.
Тэрээр энэ киноныхоо тухай “Намайг кино урлагт хөтөлсөн ачтай багшийнхаа зохиолоор кино хийхийг олон жил бодож явсаар өдий хүргэчихлээ…Мөн "Шаргачин” өгүүллэгээс нь санаа авсан. Зохиолыг нь өөрөө бичиж байгаа. Энэ хоёр өгүүллэгээс санаа авсан боловч киноны зохиолд шинэ зүйл их бий” гэсэн байна.
Түүний хэлж байгаагаар сүүлийн үеийн монгол кинонд үндэсний онцлог, ахуй харагдахаа больсон. Ихэвчлэн гадны бүтээлийг дуурайх болсон. Харин “Солонго” өгүүллэгт монгол ёс заншил, ахуй цөм шингэсэн байдаг учир ийн кино хийхээр болжээ. Мөн тэрээр энэ киног бүтээх уран бүтээлчдээр өөрийн шавь нарыг сонгоод байгаа бөгөөд ирэх жилээс зураг авалтаа эхлэхээр төлөвлөжээ.
Өгүүллэгийг энд дарж уншина уу.
www.URLAG.mn