"Forbes” сэтгүүлээс гаргасан ОХУ-ын хамгийн баян 20 хөгжимчний жагсаалтыг алдарт хөгжмийн удирдаач, Мариинский театрын дарга Валерий Гергиев тэргүүлжээ.
Тэрбээр 2012 онд 16.5 сая ам долларын орлого олжээ. В.Гергиев нь ОХУ, Украин, Өмнөд Осетийн ардын жүжигчин, театрын урлагийн “Золотая маска” наадмын таван удаагийн шагналт, ОХУ-ын хөдөлмөрийн баатар цолтой. Мөн цацагт хяруулын мах боловсруулдаг “Евродон” үйлдвэрийн 15 хувийн хувьцааг эзэмшдэг байна. “Forbes” сэтгүүлд бичсэнээр, энэ нь сонгодог урлагийн төлөөл өгч попынхонтой эн зэрэгцсэн орлоготой байгаа анхны тохиолдол ажээ.
Жагсаалтын хоёр, гуравдугаарт дуучин Григорий Лепс 15 сая, дуучин Стас Михайлов 9.8 сая ам.долларын орлогоор орж байгаа юм.
Оросын ТОП-20 хөгжимчин (сая ам.доллар)
1. Валерий Гергиев -16,5
2. Григорий Лепс -15
3. Стас Михайлов -9,8
4. Филипп Киркоров -9,7
5. Николай Басков -8,9
6. Валерия -5,6
7. Валерий Меладзе -5,0
8. Олег Газманов -4,4
9. Дима Билан -4,0
10. Нюша -3,8
11. Елена Ваенга -3,0
12. Юрий Башмет -3,0
13. Алла Пугачева -2,5
14. Тимати -2,5
15. Земфира -2,5
16. Баста (Василий Вакуленко) -2,0
17. Любэ -2,0
18. Денис Мацуев -1,7
19. Лолита -1,5
20. Сергей Лазарев -1,4
О.Анударь
