Урлагт 20-иод жил зүтгэж байгаа жижигхэн биедээ ахадсан гэмээр чадалтай хоолойтой МУГЖ Ж.Алтанцэцэгтэй цөөн хором ярилцсанаа хүргэж байна.
-Гавьяатаар сонин сайхан юу байна?
-Эгч нь эх орноо тойрон аялан тоглолт хийх хүсэлтэй байна. Мөн багаасаа кинонд тоглохыг мөрөөддөг байсан. Энэхүү хүсэл маань биелж байгаа. Уг киногоороо дуучин хүний амьдралыг харуулах болохоор ойр санагдсан.
-Та нэлээн хожуу гавьяат авсан шүү?
-Гавьяат аваад их урам орсон. Энэхүү хүндтэй шагнал авсан юм чинь улам ихийг хийж бүтээх ёстой. Манай хүн “Хань минь чи одоо гавьяат болсон юм чинь гавьяаныхаа амралтанд гар даа” гэж намайгаа цаашлуулж билээ.
-Аз жаргал гэж юу вэ?Та аз жаргалтай хүн мөн үү?
-Хүн байгаа зүйлдээ сэтгэл хангалуун байхыг л аз жаргал гэнэ гэж боддог.Би амьдралдаа сэтгэл хангалуун байдаг.
-Та чөлөөт цагаараа юу хийдэг вэ?
-Юу хүссэн л хийнэ. Салхинд гарах, хөгжим сонсох, ном, сонин унших гээд л. Мөн Налайхад ээжийндээ очих дуртай.
-Таныг англи хэлээр маш сайн ярьдаг гэж дуулсан
-Тэр ёстой худлаа мэдээлэл. Манай хүү харин англиар надаас илүү ярина.
-Манай сайтын уншигчдад хандаж юу хэлэх вэ?
-Нар, хур тэгширсэн зуны сайхан өдрүүдийг аз жаргалтай өнгөрүүлээрэй. Та бүхэндээ шинэ уран бүтээлүүдээр үргэлж бэлэг барих болно гэж хэлье дээ.
Б.Сайнаа
Эх сурвалж: shuud.mn
