Английн нэрт найруулагч Пол Гринграссын бүтээл, Холливудын нэрт жүжигчин Том Ханксын гол дүрд нь тоглосон “Ахмад Филипс” кино Нью-Йоркийн кино фестивалийг нээхээр болжээ. Энэхүү уран бүтээл нь 2009 онд дэлхий даяар шуугиан тариад байсан барьцаалагдсан “Maersk Alabama” хөлөг онгоцны ахмад Ричард Филипсийн амьдралаас сэдэвлэсэн намтарчилсан кино аж.
“Captain Phillips”-ийн уран бүтээлчдийн мэдэгдсэнээр кино ирэх аравдугаар сарын 11-нээс кино театруудаар гарч эхлэх юм байна. Өдгөө 51 дэх удаагаа зохион байгуулагдаж буй Нью-Йоркийн кино наадам ирэх есдүгээр сарын 27-оос аравдугаар сарын 13 хүртэл үргэлжилж шилдгүүдээ тодруулах гэнэ.
www.URLAG.mn
