“Mongolian Beauty” загварын тэмцээн тун удахгүй болох гэж байна. “Шилмэл загвар” агентлагаас жил бүр зохион байгуулдаг тус тэмцээнд өмнө нь зөвхөн тус агентлагийн моделиуд оролцдог байсан бол энэ жилээс загварын хүрээнийхний хувьд нээлттэй болж байгаа юм. Түүнчлэн эгэл жирийн охид, залуус ч оролцож болох гэнэ. Тэдний хувьд гол шалгуур нь биеийн өндөр. Тодруулбал, 18-25 насны, 165 см-ээс дээш өндөртэй залуус “Mongolian Beauty”-д оролцож болно.
Тэмцээн уламжлал ёсоор Богд хааны ордон музейд болох юм. Тэмцээнээс шалгарсан таван модель дэлхийн таван өөр оронд, таван өөр тэмцээнд оролцох эрхийн эзэн болно. Мэдээж олон улсын тэмцээнд оролцох учраас англи хэлний мэдлэг чухал тул “Шилмэл загвар”-ын хамт олон оролцогч 100 гаруй моделийг англи хэл болон бусад хэрэгцээтэй сургалтад хамруулж буй ажээ.
www.URLAG.mn
