Бид олны танил эрхмүүдийн сонин, содон зургийг “Mobile photo” булангаараа онцолдог билээ. Тэгвэл энэ удаад хошин урлагийн “Шинэ үе” продакшины жүжигчин Л.Сөрөлтийн дараах зургийг онцолж байна.
Тэрбээр жүжиглэх авъяас, ур чадвараараа үзэгчдийн танил болж, ирээдүйтэй жүжигчин гэх үнэлгээг аваад байгаа юм. Жүжигчин хүнийг бүтээсэн дүр нь тодотгож, үзэгчид ч түүгээр нь нэрлэх нь олонтоо. Тэгвэл жүжигчин Л.Сөрөлтийг “живүүн байна уу?” гэх хэллэгээр нь төвөггүйхэн мэднэ. “Живүүн байна уу? Живүүн ш дээ”, “Чоглог байна уу? Чоглог ш дээ” гэсэн хэллэгээр залуус хэсэгтээ л “амьсгалж” байлаа. Үнэхээр ч хүн бүрийн сэтгэлд хүрсэн жүжиглэлт, цаг үеэ олсон үг хэллэг байж чадсан юм.
Чамгүй сайн дуулчихдаг түүнийг алив арга хэмжээнд дуулуулахыг хүссэн санал цөөнгүй ирдэг аж. Багаасаа дуулах дуртай байсан бөгөөд дуучин болох мөрөөдөлтэй байсан ч хувь тавилан түүнийг жүжигчиний замруу хөтөлжээ.
Б.Хорлоо