Монгол орны соёлын үнэт өв болох палеонтологийн олдворуудыг хайрлан хамгаалах, тэдгээрийн ач холбогдлыг олон нийтэд дэлгэн таниулах зорилгоор ССАЖЯ-ны “Палеонтологи, Археологийн Музейн Шинэчлэл” төслийн зүгээс “Үлэг гүрвэлийн дүрслэх урлаг”-ийг эх орондоо хөгжүүлэх ажлын хүрээнд 2013 оны 8-р сард дараах сургалтуудыг үнэ төлбөргүй зохион байгуулна. Иймд уг чиглэлээр уран бүтээл туурвих хүсэлтэй зураач, барималч,мэргэжлийн ангийн оюутнууд та бүхнийг дараах сургалтуудад хамрагдахыг урьж байна. Сургалтыг АНУ-ын үлэг гүрвэл судлаач, уран бүтээлч багш Jason Poole, Dennis Wilson нар удирдан явуулна.
1. Үлэг гүрвэлийн уран зургийн сургалт 8 сарын 17- 22-ны өдрүүдэд үргэлжлэх бөгөөд 20 уран бүтээлч хамрагдана
2. Үлэг гүрвэлийн 3 хэмжээст барималын сургалт 8 сарын 23 – аас 9 сарын 4-ний өдрүүдэд үргэлжлэх бөгөөд 10 уран бүтээлч хамрагдана
Сургалтанд доорх шаардлагыг хангасан иргэдийг сонгон шалгаруулна. Үүнд:
– 15-аас дээш насны Монгол улсын иргэн байх
– Мэргэжлийн уран бүтээлч байх
– Уран зураач, барималчийн дадлага туршлагатай байх
– Палеонтологи, үлэг гүрвэлийн чиглэлээр зурах, уран бүтээл хийх хүсэл,
эрмэлзлэлтэй байх
– Англи хэлний зохих мэдлэгтэй байх
Бүртгэл: 2013 оны 8 сарын 08-аас 14-ний өдрүүдэд ССАЖЯ-ны 306 тоот өрөөнд явагдана.
Бүртгүүлэхээр ирэхдээ:
– Бүртгэлийн маягтыг бөглөх (маягтыг ССАЖЯ-ны 306 тоотоос авах)
– Монгол улсын иргэний цахим үнэмлэх, хуулбарын хамт
– Мэргэжлийн диплом, үнэмлэх хуулбарын хамт
– Өөрийн уран бүтээлийн товч танилцуулга(фото зураг болон жижиг хэмжээний бүтээл байж болно)
– 1% цээж зураг
Дэлгэрэнгүйг www.mcst.gov.mn сайт болон 99832119, 99163314дугаарын утаснаас лавлана уу.
