Брэд Питтийн продюсероор нь ажиллаж, гол дүрийг нь бүтээсэн "World War Z" кино манай кино театруудаар гарч буй билээ. Тэгвэл энэхүү кино Брэд Питтийн тоглосон, оролцсон кинонуудаас хамгийн өндөр орлого олоод байгаа юм байна. Одоогоор тус кино 502 сая ам.долларын орлого олсон нь Брэд Питтийн өмнөх хамгийн өндөр орлоготой "Трой" киногоос 5.3 сая ам.доллараар давсан ажээ.
"Дэлхийн дайн Z" Хойд Америкт 197.4 сая ам.доллар, харин бусад тив, улсаас нийтдээ 305.2 сая ам.доллар "цуглуулаад" байна. Тус кинонд Брэд Питт НҮБ-ын ажилтан асан Жерри Лейний дүрийг бүтээж буй юм. Paramount Pictures-ийн бүтээл, дэлхий дахиныг зомбигоос аврахаар тэмцэж буй энэхүү киноны найруулагчаар Марк Фостер ажилласан байна.
www.URLAG.mn
