"Нүдэнд биш зүрхэнд зориулж дуулдаг" хэмээн ярьдаг дуучин Адель хэсэг хугацаанд урлагийн ертөнцөөс хөндийрөөд байсан. Карьераа хэтэрхий их хөөснөөс болж түүний өмнөх хайр нь бүтэлгүйтсэн. Өдгөө 24 настай дуучин бүсгүй "би “21”-ээсээ илүү цомог бүтээхгүй бол тайзан дээр дахиж гарахгүй. Яг одоо бол надад байгаа бүх зүйл дууссан" гэж нэгэн ярилцлагандаа өгүүлсэн байдаг.
Тэгвэл дуучин Аделийг “Нууц алба” хэмээх тагнуулын адал явдалт киноны хорон муу санаатны дүрд тоглохыг урьжээ. Уг киног найруулагч Мэттью Вон найруулан тавих аж. Аделиэс гадна тус кинонд Дэвид Бэкхем, Элтон Жон, Сэмуэль Жексон нар тоглож магадгүй байна. “Нууц алба” киноны зураг авалт нь энэ онд эхлэх бөгөөд тус киног 2014 онд дэлгэцнээ гаргахаар төлөвлөжээ.Урлагийн ертөнцөд тэсрэл хийж чадсан дуучин бүсгүй кино урлагт өөрийн авъяасаа дахин нээх бололтой.
www.URLAG.mn
