Бид энэ удаагийн “Mobile photo” булангаараа МУСТА жүжигчин Д.Ганцэцэгээс тодруулга авлаа. Учир нь УДЭТ-ын үе үеийн сайхан бүсгүйчүүдийн төлөөлөл болсон МУГЖ жүжигчин У.Уранчимэг, МУСТА жүжигчин Д.Ганцэцэг, залуу жүжигчин А.Ганчимэг нар “Хувьсал” продакшинд харъяалагдах боллоо гэсэн мэдээллийн дагуу түүнтэй холбогдсон юм.
Тэрбээр уг мэдээлэлд тайлбар өгөхдөө: “Бид “Хувьсал” продакшинтай хамтарч “Зэрлэг цэцэгсийн хүлэмж” хэмээх уран сайхны хийсэн. Кино маань ч амжилттай дуусч, цаашид хамтарч ажиллах боломжтой гэж үзсэн. Бид зөвхөн драмын гэлтгүй дэлгэцийн уран бүтээлд хүч сорино. Инээдмийн, эмгэнэлт гэх мэтчлэн төрөл жанраар уран бүтээл хийнэ хэмээн онцоллоо.
Ингээд жүжигчин бүсгүйчүүд маань үзэгчдийн дунд хүлээлт үүсгээд байгаа “Зэрлэг цэцэгсийн хүлэмж” кинонд хамтарч ажилласан “Хувьсал” продакшинд харъяалагдах болсон байна. Тус продакшинд МУГЖ жүжигчин У.Уранчимэг гэрээт жүжигчинээр ажилладаг байжээ. Дашрамд дуулгахад, “Зэрлэг цэцэгсийн хүлэмж” уран сайхны кино ирэх 25-ний өдрөөс нээлтээ хийх гэнэ.
Б.Хорлоо
