“X-Men”-ий цувралыг 13 жил үзсэн хэдий ч үзэгчид уйдах болоогүй бололтой. Хью Жекмэний бүтээсэн “Нохой зээх” өдгөө ч үзэгдчийн эрэлт хэрэгцээг ихээхэн татаж, нээлтээ хийснээс хойш гурван долоо хоногийн хугацаанд 307 сая ам.долларын ашиг олоод байна. Энэхүү орлого “Avengers”тйн орлогыг гүйцэхгүй хэдий ч “Fox” кино компани Нохой зээхийг алдахыг хүсэхгүй байгаа бололтой. Эх сурвалжийн мэдээлж байгаагаар Хью Жекмэнийг нохой зээхийн дүрд дахин дөрвөн удаа тоглуулахын тулд 100 сая ам.доллар амласан гэх мэдээлэл байна. Кино тус бүрт 25 сая ам.доллараар тоглох нь холливудын ертөнцөд багагүй өндөр амжилт. Хамгийн өндөр үнэ “Avengers”-д Роберт Дауни төмөр хүний дүр бүтээхдээ 50 сая ам.доллараар гэрээ хийсэн нь олны амыг ангайлгасан.
Зарим хүмүүс Нохой зээхийн дүрд 44 настай Жекмэнийг байх шаардлагагүй гэж үзэж байгаа бол нөгөө хэсэг нь уг киног Жекмэнгүйгээр төсөөлөхгүй байна. Мөн уг киноны тооны хувьд хангалттай, гэж үзэх хүмүүс ч бий. Энэ жил тав дахь цуврал нээлтээ хийж, ирэх жил зургаа дахь анги нь гарахаар төлөвлөгдсөн. Мөн түүнээс цааш дөрвөн анги хийгдвэл “X-Men”-ий цуврал 10 анги гарах нь. Алдарт Жеймс Бондын цуврал 23 анги гарсны дэргэд 10 гэдэг хангалттай их тоо биш хэдий ч ирээдүйн хэдэн жилд “X-Men” үнэ цэнээ алдахгүй үргэлжлэх болов уу гэдэг нь эргэлзээтэй.
Б.Бат
