Соёл, Спорт, Аялал жуулчлалын яам, Монголын урлагийн зөвлөл болон Монгол-Францын төв хамтран кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон киног Монголын үзэгчдэд хүргэх зорилготой “Улаанбаатар” Олон улсын анхдугаар кино наадмыг 2013 оны 10-р сарын 3-10-ны өдрүүдэд Улаанбаатар хотноо зохион байгуулах гэж байна.
Тус кино наадамд Монгол, Америк, Ази, Европын 20 гаруй найруулагч, продюсер, уран бүтээлч болон олон улсын нэр хүндтэй кино наадмын зохион байгуулагчид оролцох аж.
Тус кино наадмын хүрээнд Монголын кино урлагийн салбарын өрсөлдөх чадварыг нэмэгдүүлэх, олон улсын зах зээлд бүтээлээ танилцуулахад дэмжлэг үзүүлэх зорилготой "Амжилтын гарц" тусгай хөтөлбөрийг зохион байгуулж явуулсан билээ.
Наадмын нээлт 2013 оны 10 сарын 4- нд Тэнгис кино театрт зохион байгуулагдах бөгөөд 2013 оны 10 сарын 5-наас 9-ний хороонд Наадамд уригдан ирсэн олон улсын 20 гаруй найруулагч, продюсер, уран бүтээлчдэд монголын киночид бүтээлүүдээ танилцуулах юм байна.
www.URLAG.mn
