Британийн хөвгүүдийн “One Direction” хамтлаг хийж бүтээсэн зүйлээ тайлагнан өөрсдийнхөө талаар өгүүлэх "This Is Us" буюу “Энэ бол бид” гэсэн 3D баримтат киноныхоо нээлтийг өчигдөр Лондон хотын Лестер талбайд хийжээ.
“Энэ бол бид” нэртэй тэдний энэхүү баримтат кино нь урлагийн салбарт орж ирснээсээ хойш оролцсон нэвтрүүлгүүд болон гаргасан уран бүтээл, хувийн амьдрал, хэрхэн нэг хамтлаг болсон зэргийг нь багтаасан 3D бүтээл юм. Кинонд хамтлагийн гишүүд болох Louis Tomlins, Liam Payne, Niall Horan, Zayn Malik болон Harry Styles нар бүгд клип нэвтрүүлгүүдийн ард өрнөдөг сонирхолтой явдлууд, хувийн амьдрал, аялал, тоглолтуудынхаа талаар дэлгэрэнгүйгээр ярьжээ.
Уг киног алдарт найруулагч Morgan Spurlock найруулсан ба түүний хэлж байгаагаар кинонд залуусын амжилт болон хувийн амьдралыг нь түлхүү харуулахыг зорьсон гэнэ.
“One Direction” хамтлаг нь 2010 онд Британийн "The X Factor" телевизийн дууны тэмцээнээс төрөн гарсан тус хамтлагийнхан өнгөрсөн тавдугаар сараас гурав дахь цомгийнхоо ажилдаа орсон бөгөөд ирэх жил дэлхийг тойрон аялан тоглолтоо хийхээр төлөвлөсөн гэнэ.
www.URLAG.mn
