“Молор-Эрдэнэ” яруу найргийн наадам айсуй

  Монголын утга зохиолын нэрт төлөөлөгч Дашзэвэгийн Банзрагч агсны нэрэмжит “Молор-Эрдэнэ” яруу найргийн наадам ирэх сарын 14-нд болох юм байна.

“Молор-Эрдэнэ” яруу найргийн наадмыг Төв аймгийн Өндөрширээт сумын ЗДТГ, Монголын зохиолчдын эвлэл, Монголын хурдан хүлгүүдийн өвийг хамгаалах нийгэмлэг, Монголын залуу зохиолчдын холбоо хамтран хэрэгжүүлэх аж.

Наадам найрагчийн төрсөн нутаг Төв аймгийн Өндөрширээт сумын Аглаг хөдөөд болно. Энэхүү наадмыг Төв аймгийн Өндөрширээт сумын 90 жилийн ойг угтан, нутаг орноосоо төрөн гарсан Монголын зохиолчдын эвлэлийн болон Д.Нацагдоржийн нэрэмжит шагналт нэрт яруу найрагч Дашзэвэгийн Банзрагч агсны уран бүтээлийг нийтэд сурталчлах, түгээн дэлгэрүүлэх, мөн яруу найрагчдын уран бүтээлийг дэмжих зорилгоор зохиохоор болжээ.

www.URLAG.mn