Төрийн соёрхолт дуучин Д.Болдын бие даасан 11 дэхь цомог тун удахгүй сонсогчдод хүрэхээр болжээ.Тэрээр шинэ цомгийн баяр болон хуучны дуунуудаа багтаасан амьд тоглолтоо нийслэлийн паб, лоунжээр тойрон аялан тоглож байгаа тухай мэдээлж байсан.
Дуучин Д.Болд ”Bold unplugged night” тоглолтоо наймдугаар сарын 16-нд “Vegas” клубт хийсэн бол энэ долоо хоногт хоёр өдрийн амьд тоглолт хийхээр төлөвлөжээ.
Наймдугаар сарын 23. Энэ өдөр дуучин Д.Болд “Сentro Club”-д 20.00 цагаас амьд хөгжимтэй партид фэнүүдтэйгээ уулзаж, уран бүтээлээрээ бэлэг барина.
Наймдугаар сарын 24. Харин энэ өдөр тэрээр “Corporate” зочид буудлын “View lounge”-д ”Bold unplugged night” тоглолтоо үргэлжлүүлэх ажээ. Тоглолт мөн 20.00 цагаас эхэлнэ. Тоглолтын тасалбар тус бүр нь 30 мянган төгрөг бөгөөд тухайн өдрийн тоглолт болох газраас шууд худалдан авах боломжтой .
Сонирхуулахад 11 дахь шинэ цомог "Хувцасаа тайлаад шид" CD-нд багтаж байгаа хамгийн эхний дуу мөн клип "БИ ДУРЛАМААР БАЙНА" тун удахгүй олны хүртээл болох юм байна.
www.URLAG.mn
