Хүүхэлдэйн театрын хамт олноос 2013 оны хичээлийн шинэ жилийг тохиолдуулан бяцхан үзэгчиддээ уран бүтээлээрээ бэлэг барих гэж байна. Энэ сарын 31-ны өдөр бага тайзнаа 12.00 цагаас “Гэрэлтэй бяслаг ба нүцгэн сар”, 14.00 цагаас “Улаан малгайт”, 15.00 цагаас “Эвтэй дөрвөн амьтан”, их тайзнаас 16.00 цагаас “Лусын хааны охид” жүжиг тоглогдохоор болжээ.
Мөн ирэх есдүгээр сарын 15-наас аравдугаар сарын 15-ны хооронд Өвөрхангай, Архангай, Баянхонгор, Ховд, Говь-Алтай, Увс, Завхан аймгуудын төв болоод дээрх аймгуудын зарим сумдуудаар аялан тоглолт хийхээр болжээ. Энэхүү алслагдмал аймгуудад сүүлийн 17-25 жил Хүүхэлдэйн театрын тоглолт очоогүй ажээ.
Тоглолтод “Бяцхан хатагтайн хүүхэлдэйн театр” шоу тоглолт, “Өнхрүүш”, “Чоно ба долоон ишиг” жүжгүүд тавигдах юм.
