Их Британийн “Keane” хамтлаг анхны хит дуунуудаасаа түүвэрлэсэн "The Best of Keane" цомгоо гаргахаар болжээ. Уг цомог ирэх арваннэгдүгээр сарын 12-нд худалдаанд гарах юм байна.
Тус цомогт тэдний шилдэг 20 дуу болон "Higher Than the Sun", "Won't Be Broken" гэсэн хоёр шинэ уран бүтээл нь оржээ."The Best of Keane" цомог хос цомгоос бүрдэх бөгөөд нэг нь гурван дуутай харин нөгөө нь 17 дуутай байхаар төлөвлөжээ. Дуучин Tom Chaplin “Rolling Stone” сэтгүүлд өгсөн ярилцлагандаа “Бид хамтлаг болон гарч ирэхдээ дуулж байсан болон Тимийн зохиосон шилдэг дуунууд энэ цомогт маань багтаж байгаа” хэмээн онцолжээ.
“Keane” хамтлаг хамтлаг өнгөрсөн хугацаанд нийтдээ дөрвөн цомог гаргасан бөгөөд гарсан цомог бүр нь тухайн үедээ UK чартыг тэргүүлж байсан юм. Тэд хамгийн анх 2004 онд "Hopes and Fears" цомгоо гаргаж байсан бол 2012 онд "Strangeland" цомгоо фенүүддээ хүргэсэн юм.
www.URLAG.mn
