Поп од Мадонна өнгөрсөн жилд ашиг орлогоороо тэргүүлсэн алдартан болсон тухай “Форбс” сэтгүүл зарлалаа. Тэрээр Опра Уинфри, Стивен Спилберг нарыг гүйцсэнээр ашиг орлогоороо тэргүүлж чадсан байна.
55 настай алдарт дуучин аялан тоглолт, хувцас болон үнэртний сүлжээгээрээ 125 сая ам.долларын ашиг олсон хэмээн “Форбс” мэдээлжээ. Сэтгүүлийнхний бичсэнээр энэ нь 1999 оноос хойш ихээхэн ашиг олох болсон Мадоннагийн хувьд нэг жилийн дотор олсон хамгийн их ашиг болжээ.
Ашиг орлогоороо тэргүүлсэн алдартнуудын жагсаалтын хоёрдугаарт найруулагч Стивен Спилберг 100 сая ам.долларын орлогоор бичигджээ. Харин гуравдугаар байрт зохиолч И-Эл Жэймс, продюсер Саймон Ковелл болон Ховард Стерн нар 95 саяын орлогоор бичигдсэн байна. Мөн топ аравт дуучин Лэди Гага, зохиолч Жэймс Паттерсон, хөтлөгч Гленн Бек, найруулагч Майкл Бэй, продюсер Жерри Брукхэймер нар багтжээ.
www.URLAG.mn
