Он гарсаар хамгийн их ашиг орлого олсон киногоор “Iron man 3” тодроод байна. Уг кино дэлхий даяар нийт 1 тэрбум 213.1 сая ам.долларын ашиг олжээ. Энэхүү үзүүлэлтээрээ бүх цаг үеийн хамгийн өндөр ашиг олсон тав дахь кино болж байгаа юм.
Харин хоёрдугаарт “Despicable Me 2” хүүхэлдэйн кино оржээ. Уг хүүхэлдэйн кино нь Хятадын зах зээлийг оруулалгүйгээр дэлхий даяар нийт 805.8 сая ам.долларын ашиг олсон бөгөөд энэхүү үзүүлэлтээрээ бүх цаг үеийн хүүхэлдэйн кино дундаас долоод бичигдэж байгаа юм.
Харин орлогоороо гуравдугаарт “Fast 6” 786.6 сая ам.долларын ашгаар бичигджээ. Гэхдээ киноны орлого цаашид нэлээд нэмэгдэх шинжтэй байгаа. Учир нь тус кино Хятадын зах зээлд нээлтээ хийснээс хойш тав дахь долоо хоног дээрээ л явж байгаа юм.
Дөрөвдүгээр байранд мөн л хүүхэлдэйн кино байгаа бөгөөд “Disney”-гийн бүтээл “Мангасуудын их сургууль” 686 сая ам.долларын орлого олсон байна. Эдгээр киноны ардаас “Man of steel” 649, “The Croods” 583.2, “World war Z” 526 сая ам.долларын орлогоор бичигдсэн байна.
– See more at: http://entertainment.time.mn/content/33791.shtml#sthash.hqJ53Ia9.dpuf
