Хөгжмийн ертөнцийн өнгөрсөн 20 жилийн туршид оршин тогтнож чадсан, одоо ч байр сууриа алдахгүй хаус хөгжмийн түүхийг бичилцэж байгаа агуу продюсер, DJ нарын нэг Испанийн DJ Dr.Kucho буюу Даниэль Мансано Монголд ирэхээр болжээ. Тэрбээр Монголын “IO records”-ын урилгаар есдүгээр сарын 13-нд Метрополис клубт нэгэн оройг өнгөрүүлэхээр болсон байна.
Dr.Kucho! анх 1993 оноос эхэлж уран бүтээлээ хийж эхэлсэн бөгөөд түүний уран бүтээлүүд нь дотоод мэдрэмжийн хөг аялгууг, Африкын үндэсний бөмбөрийн дугаралт хэмжээтэй хослуулан “Sony”, “Virgin”, “Defected” гэх мэт дэлхийн хамгийн алдартай том хөгжмийн компаниудын шошгыг авч чадсан байдаг. Түүний анхны уран бүтээлүүд нь (Lies to yourself, Can’t stop playing) анх цацагдсан дариудаа Германы радио чартуудыг тэргүүлж эхэлсэн. Мөн 2001 онд гарсан “Patricia Never Leaves The House” “La Luna” Европын болон Америкын хөгжмийн чартуудыг тэргүүлж эхэлснээр Испанийн хаусхөгжмийг дэлхийн давцанд гаргаж чаджээ. 2005- 2006 онуудад түүний “Rain” нэртэй уран бүтээл нь манай хотын залуусын сэтгэл зүрхийг эзэмдэж, тэднийг хөгжөөж байсан юм.
Б.БАТ
