“Herub” энтертайнментийн бүтээл “Голланд сарнай” уран сайхны киноны нээлт өнөөдөр “Өргөө” кинотеатрт 16.00 цагт болох гэж байна.
Хүмүүний хайр сэтгэл, амьдралын хатуу үнэн хийгээд уярал ухаарал, уучлал энэрэл бүхнийг нэгэн дор харуулах энэхүү кинонд олны танил, авьяаслаг уран бүтээлчид тоглосон тус киноны ерөнхий найруулагчаар С.Баттулга ажилласан юм.
Гавьяат жүжигчин Д.Жаргалсайхан, Ц.Алтанцэцэг, Соёлын тэргүүний ажилтан Ж.Оюундарь, СУИС-ийн гуравдугаар дамжааны оюутан Б.Мишээл нарын чадварлаг жүжигчид амилуулсан “Голланд сарнай” киноны хоёр дуу хэдийн үзэгч, сонсогчдын хүртээл болсон. Тухайлбал, уг киноны “Надад үлдсэнгүй” нэртэй дууг “Sweetymotion” хамтлагийн экс гишүүн Т.Солонго, өөр нэг дууг нь “Universe best songs-2012” наадмын шилдэг оролцогч Б.Солонго дуулжээ.
Монголын кино урлагийн мэргэжилтнүүд, чадварлаг жүжигчдээс гадна рок попын шилдэг уран бүтээлчдийн цугларалт болох “Голланд сарнай” киногоо заавал үзээрэй.
www.URLAG.mn
