Бид “Mobile photo” булангаараа Хөдөлмөрийн баатар, МУГТ П.Сэрдамба болон СТА жүжигчин Б.Навчаа нарын хамтдаа татуулсан фотог онцоллоо. Бид олны танил, бахархал болсон хүмүүсийн зургийг уг булангаараа дамжуулан онцолдог уламжлалтай.
МУГТ П.Сэрдамбын хувьд монгол хүн бүрийн бахархал, омогшил болсон тамирчдын нэг. Эх орныхоо нэр, алтан соёмбот тугаа Бээжингийн тэнгэрт мандуулж олимпийн мөнгөн медалийн эзэн болж байсан баярт мөч хүн бүрийн сэтгэлд тодхон. Тэрбээр өдгөө Монголын олимпийн боксын холбооны ерөнхий нарийн бичгийн даргаар ажиллаж байгаа билээ.
Харин СТА жүжигчин Б.Навчаагийн хувьд дэлгэцийн бүтээлд хүч үзэж, жүжиглэхээс гадна найруулж яваа чадварлаг эмэгтэй. Оногдсон дүрээ амилуулж, хүний сэтгэл хүргэж чаддаг, бас хэнээс ч илүү найруулж чаддаг учраас үзэгчид түүнийг үнэлдэг. Түүний “Ларьдма” гэр бүлийн хүчирхийллийн эсрэг хийсэн кино нь үзэгчдийг байлдан дагуулж чадсан билээ.
Б.Хорлоо
