Гаж сонин хувцаслалт, содон дуу хоолойгоороо дэлхийн хэмжээний од болж чадсан Леди Гага тун өвөрмөц цуглуулгатай нэгэн. Тэрээр кофены аягыг тавагтэй нь цуглуулаад цөөнгүй хэдэн жилийг өнгөрөөжээ.
Леди Гага дэлхийг тойрон тоглолт хийхдээ цуглуулганаасаа аль нэг аягаа заавал авч явдаг гэнэ. Учир нь аягаа авч явснаар хаа ч очсон гэртээ байгаа мэт амар амгаланг мэдэрдэг аж. Тэгвэл дуучин бүсгүй аяга цуглуулахын хажуугаар бас нэгэн шинэ хоббитой болжээ. Тэрээр Японоос өөрийн настайгаа ижил тооны буюу 27 ширхэг алтан загас худалдан авчээ. Тэр ч бүү хэл загаснууддаа зориулан тусдаа усан сан хүртэл байгуулаад амжсан гэнэ. Үүний тулд тэрээр 80 мянган ам доллар зарцуулсан байна.
Б.Оргил