Реппер Lil Wayne энэ сарын 27-нд 30 нас хүрч, төрсөн өдрөө тэмдэглэсэн юм. Тэрбээр rock’n roll-ийн домогт хаан Elvis Presley-ийн амжилтыг эвдэж, Billboard-ийн “Шилдэг 100 дуу”-ны жагсаалтад шинэ хаанаар тодорлоо. Elvis Presley–гийн 108 дуу 1958-2003 оны хооронд “Шилдэг 100 дуу”-ны жагсаалтад орж байсан бол реппер Lil Wayne-ийн Game, Chris Brown, Tyga болон Wiz Khalifa нартай хамран бүтээсэн “Celebration” дуу нь “Шилдэг 100 дуу”-ны жагсаалтын 82-рт орсноор түүний 109 дуу жагсаалтад багтаж, хаанаар шалгарсан байна.
1999 онд Lil Wayne “Tha Block is Hot” нэртэй цомог гаргаснаар түүний Америкийн хип хопын ертөнц дэх амжилтын гараа эхэлсэн байдаг. 2011 онд Billboard сайтаас гаргасан дуучдын орлогын жагсаалтад 23.1 сая ам.долларын орлого олдгоороо тэрбээр тавдугаарт бичигдэж байсан юм.
