“Миний нууц хүү” жүжгээр уран бүтээлийн гараагаа амжилттай эхлүүлсэн “Мөрөөдлийн театр”-ын жүжигчид шинэ залуу үеийнхэн дундаа хамгийн шилдэгт тооцогддог. “Хайртай бол эргэж хараарай”, “Ээжийн дайсан” зэрэг үзэгч түмний таашаалд нийцсэн уран бүтээлүүдээрээ шаггүй сайн ур чадвартай жүжигчид гэдгээ таниулсан тус театрынхан тавдугаар сарын 17-27-нд Солонгосын Масан хотноо зохиогдсон Олон Улсын Театрын фестивальд эх орноо төлөөлөн оролцоод ирсэн юм. “Мөрөөдлийн театр”-ынхан Сингапур, Вьетнам, Хятад, Япон, Солонгос, Монголын уран бүтээлчид оролцсон энэхүү наадамд ардын аман зохиолоос сэдэвлэсэн бэр гуйх ёс, ан ав хийх, эрийн гурван наадам зэрэг үндэснийхээ зан заншил, ахуй амьдралыг харуулсан “Эрт урьдын цагт” жүжгээ толилуулжээ. Харин хөдөлмөрч залуус нутагтаа ирэнгүүтээ 6-р сарын нэгнийг тохиолдуулан ОХУ-ын зохиолч А.Губаревын “Их ид шидтэн” хэмээх жүжгээр бяцхан үзэгчдэдээ бэлэг барьсан юм.
Зохиогч: Урлаг
Лхагва гаригт эхэлсэн Венецийн олон улсын 69 дэх кино наадамд Филиппин улс “Чингис хаан” хэмээх киногоор оролцож байна. Филиппинийн алдартай найруулагч Мануэл Кондэ энэ киног 1950 онд бүтээсэн бөгөөд Парисын кино архивт байсан эх хувийг нь филиппинчүүд хуучин кино сэргээн засварлах төслийнхөө хүрээнд Франц, Италийн мэргэжилтнүүдтэй хамтран сэргээжээ. Венецийн кино наадамд орон орны хуучны сонгодог 10 киног үзүүлэх гэж байгаагийн нэг нь энэхүү “Чингис хаан” кино юм.
Монголын рок поп урлагийн сэтгэл татам эмэгтэйчүүдийн нэг, энэ жил 15 насны ойн тохиож буй “Sweetymotion” хамтлагийн дуучин Б.Ганболор дэлхийн эмэгтэйчүүдийн №1 сэтгүүл “Cosmopolitan”-ы 09 дүгээр сарын дугаарын нүүрийг чимжээ. Тэрээр “Эмэгтэй хүн гоё сайхнаа мэдрэх, бусдаас сонсох дуртай” хэмээх эгэл даруухан ярилцлагаараа юу илэрхийлсэнийг сэтгүүлээс унших л үлдлээ.
Урлаг соёлынхон сүүлийн үед бөөгийн онгод сахиусаа авах нь нэмэгдсэн. Монголын рок, поп урлагт хорин жилийн түүхээ үлдээж чадсан “Харанга” хамтлагаас хоёр ч бөө төрсөн. Мөн “В” продакшны залуу дуучин Б.Эгшиглэн онгодоо авснаасаа хойш уран бүтээлийн ажлаасаа хөндийрсөн билээ.
Үүний араас хошин урлагийнхнаас нэлээд хэдэн бөө төрөөд байна. “Макс”, продакшны жүжигчин Б.Ганзориг, жүжигчин Аяа буюу Алтанцэцэг гээд байна. Хамгийн сүүлд СУИС-ын багш, жүжигчин Б.Дэмидбаатар онгодоо авсан бөгөөд одоо цээргийн хоногоо мөрдөж байгаа аж.
Монгол Улсын гавьяат жүжигчин Л.Чаминчулуунтай уулзахаар Соёл урлагийн их сургуулийг зорилоо. Тэрбээр “Ажил ихтэй, зав муутай. Олон удаа яриулж, хэд дахин хойшлуулаад, чамд баахан төвөг удчихав уу даа” гэсээр угтсан юм. Түүнтэй зуны амралт, уран бүтээлийн талаар ярилцангаа Л.Чаминчулуун хэмээх хувь хүн чухам хэн бэ гэдэг асуултдаа хариулт хайж суулаа.
Трансформерс”, “Женниферийн цогцос” зэрэг киноны жүжигчин Меган Фокс энэ жилийн эхээр өгсөн ярилцлагадаа “Хүүхэдтэй болохдоо баяртай байх болно, гэхдээ төлөвлөсөн зүйл байхгүй. Болох ёстой зүйл болох ёстой үедээ л болог” хэмээж байсан. Албан ёсны мэдэгдэл хийгээгүй ч Меган усны хувцастай, гэдэс нь цүдгэр зургаараа бие давхар болсноо мэдэгдэж байсан билээ.
Тэгвэл өдгөө долоон сар орчимтой жирэмсэн жүжигчин түүнийгээ нуух гэж их л хичээж байх шиг. Халамжтай нөхөртэйгөө үдийн зоог бариад явж байхдаа тэрээр нилээд санаа зовсон байдалтай барьж явсан зүйлээрээ гэдсээ халхлах гэж хичээж байв. Гэхдээ л түүнийг урьдын адил үзэсгэлэнтэй хэвээр байгааг бид харж байна.
Хүүхэлдэйн театр бяцхан үзэгчдийнхээ хичээлийн шинэ жилийн нээлтэд зориулан өнөөдрийн үзвэрээ үнэ төлбөргүй хүргэхээр болжээ. Тус театрын уран бүтээлчид өнөөдөр 14.00 цагт “Өнхрүүш”, 15.00 цагт “Чоно ба долоон ишиг”, 16.00 цагт “Могжоохон даагатай Жогжоохон хүү” жүжгүүдээ тус тус тайзнаа толилуулах юм байна. Хэдийгээр тэд эдгээр жүжгүүдээ өөрийн театрын гадаа талбайд тавин олон хүүхдүүдэд хүргэхээр төлөвлөөд байсан ч цаг агаарын байдлаас шалгаалан дотор тайзнаа толилуулахаар болжээ. Тиймээс үзэгчдийн тоо хязгаартай тул цагтаа амжиж очоорой, багачууд аа.
Энэ үдэш хамгийн доргио, шинэлэг, сэтгэл хөдөлгөм залуу одод “Хичээлийн дараа-2012” супер шоу тоглолтонд чуулах бөгөөд амьд хөгжмийн хамтлагуудыг төлөөлөн “A Sound”, “UFO”, “The Lemons” оролцох юм байна. Харин хип хопчидоос Rokit Bay, Gee, Цэцэ, Гантулга оролцох бол охидын “Anemone”, “Extacy” хамтлагууд оролцоно. Мөн дуучин Отгоо, Баярцэцэг, Daisy, Сонор, Маралжингоо, Мино & Амараа, “Universe Best Songs” наадмын шилдэг дуучид болох Мишээл, Соёмбо, Мөнх-Эрдэнэ, Төгсбаяр нараас гадна дуучин BX, A Cool гээд залуусын сонсох дуртай дуучид оролцох ажээ. Түүнчлэн бүжгийн “Улаан туг”, “Бөртэ чонын үрс” хамтлагууд бүжих юм байна. Мөн битбоксын хэмнэлийг залууст “Royal Beat Crew”-ийнхэн мэдрүүлнэ гэсэн.
Хичээлийн шинэ жилийнхээ нээлтийн баярыг Монголын шинэ үеийн шилдэг хамтлаг, дуучидтай тэмдэглэн өнгөрөөхийг хүсвэл залуус та бүхэн 9 дүгээр сарын 1-нд 18 цагаас “UB Palace”-н “Open Air”-т болох “Хичээлийн дараа-2012” супер шоу тоглолтыг зориорой.
Дуучин Рианнаг үдэшлэг шоунд дуртай гэдгийг нь хүмүүс сайн мэддэг. Гэхдээ энэ долоо хоногт Лондонгийн нэгэн шөнийн клубт байхдаа Рианна арай л хэтрүүлсэн бололтой.
Тэрээр ширээн дээр гаран үсэрч, оргилуун дарс хундага зэргийг хагалан ширүүн авирласнаас болж хамгаалагч түүнийг клубээс хөөн гаргасан байна. Хамгийн гол нь хамгаалагч болон клубын эзэн түүнийг хэн болохыг таниагүйгээс ийнхүү хөөжээ. Түүнтэй хамт явсан найз охид нь хамгаалагчтай удаан ярилцсаны эцэст түүнийг хэн гэдгийг ойлгуулахад клубын эзэн тэднийг буцаан оруулж, үнэгүй уух юмаар дайлсан байна.
Түүний амьдралд энэ жил хоёр том үйл явдал тохиосон. 29 насандаа тэрээр бага насныхаа мөрөөдөл болсон муур-эмэгтэйн дүрийг бүтээх боломж олдсон бол мөн гурван жилийн турш найзалсан залуу нь сүйн бөгж бэлэглэж, гэрлэх санал тавьсан юм. Ингээд холливудын жүжигчин бүсгүй Энн Хэтэуэйгийн сүүлд өгсөн нэгэн ярилцлагыг таны өмнө дэлгэж байна.