“Ард түмний мисс” гэгддэг Д.Ариунцэцэг Сингапурт хэсэг хугацаанд амьдарч байгаад эх орондоо ирсэн. Алтны магнат Ц.Мянганбаяртай дэр нэгтгэж, Хайрмаа гэх хөөрхөн охинтой болсон фото модель бүсгүй онгоцын үйлчлэгийн мэргэжлээр сурсан ч бизнесийн салбар хөөхөөр шийдэж.
Тиймдээ ч өөрийн гэх багахан бизнесийг эхлүүлж, найз нөхдийнхөө туслалцааг авч эхэлсэн гэнэ.
Universe best songs” наадмын анхны ялагч болж, Монголын урлагийн салбарт өөрийн гэсэн өвөрмөц өнгө төрхтэйгээр гарч ирсэн дуучин Ч.Цэлмүүн маргааш хуримаа хийх гэж байна. Дуучин бүсгүйн ирээдүйг нөхрийг Н.Алтанхайрхан гэдэг бөгөөд 100 айлд байрлах плитаны дэлгүүрийн өвөрмонгол эзний ганц хүү гэнэ.
Ойрын эх сурвалжийн мэдээлж буйгаар “Дуучин Ч.Цэлмүүний сүйт залуу Н.Алтанхайрхан АНУ-д суралцдаг бөгөөд тэд хоёр жил үерхэж байгаа. Хамгийн гайхалтай нь сүйт залуу Н.Алтанхайрханы аав бэрээ тогтоохын тулд алтаар их хэмжээний эд хийж өгсөн” гэж мэдээллээ.
Ямартаа ч гал голомтоо бадраах гэж буй залуу дуучиндаа баяр хүргэе.
“Мотив” хамтлагийнхан 2010 онд “Хайрын бороо” нэртэй анхны цомгоо өлгийдөн авч байсан билээ. Тэгвэл тус хамтлагинхан тун удахгүй хоёр дахь цомгоороо фэнүүддээ бэлэг барихаар зэхээд байгаа гэнэ.
Тэдний “Цасан бороо” нэртэй шинэ цомог нь 11 дуутай юм байна. Тэд ирэх есдүгээр сард хоёр дахь цомгийн нээлтээ хийхээр товлоод байгаа ба цомгийнхоо баяраас өмнө шинэ клипүүдээ цацахаар тун ч завгүй яваа гэнэ. Эхний ээлжинд буюу тун удахгүй “Мотив”-ын “Эрч хүч” дуу клипийн хамт хүрэх нь ээ. Түүнчлэн сонирхуулахад, тэд ирэх аравдугаар сард АНУ, БНСУ-д аялан тоглолтоо хийхээр төлөвлөөд байгаа аж.
Оскарын шагналт, Америкийн кино жүжигчин, найруулагч Николас Кейж Америкийн метал рок Motley Crue хамтлагийн дуучин Нил Винстей Лас Вегасын шөнийн клубт наргижээ.
Өдгөө 48 настай алдарт жүжигчин Николасыг Нил Винс оройн хоолонд урьсан бөгөөд тэд хамтдаа цагийг хөгжилтэй өнгөрөөж байгаа нь паппарацид ийнхүү өртжээ.
Алиа марзан царай, элэг хөшөөм үгс, үйлдлээрээ хүүхдүүдийг соронзон мэт татдаг хүмүүс бол алиалагч нар. Тэгвэл энэхүү үйлсэд хүчин зүтгэж Монголдоо цөөхөн хэдэн алиалагчдын тоонд зүй ёсоор орох жүжигчин бол Л.Нурбулан. Түүнийг хүмүүс алиалагч Латиф агсны хүү гэдгээр нь андахгүй. Эцгийнхээ шийрийг хатааж алиалах урлагт хүчин зүтгэж яваа тэрээр хүүхэд залуучуудын “Хангай” театрыг нээн ажиллуулж байна. Энэ намраас тэрээр театрынхаа үйл ажиллагааг эрчимжүүлж хөдөө орон нутгийн үзэгчдэдээ жинхэнэ сюрпризийг барина хэмээн амлажээ. Мөн багачууддаа зориулан хүүхдийн уран уншлагын цомог гаргахаар зэхээд байгаа гэнэ.
Дуучин BX -ийн өөрчлөлт [ photo ]
Энэ онд ДБЭТ-ын 50 дахь улирлын нээлт тохионо. Өнгөрсөн жил Монголын болоод дэлхийн сонгодог дуурь, балетийг тайзнаа амилуулж, гадны томоохон наадмуудаас шагналын хур буулгасан ДБЭТ-ынхан 50 дахь улирлын нээлтээ XX зууны хөгжмийн шилдэг бүтээл болох Армяны нэрт зохиолч А.Хачатуряны “Спартак” балетаар ирэх аравдугаар сарын 6-нд нээх бол маргааш нь буюу 7-нд дуурийн нээлтээ Оросын алдарт хөгжмийн зохиолч П.И.Чайковскийн “Евгений Онегин” дууриар хийх юм байна.
“Америкийн шүтээн” шоуны 11 дэх улирлын ялагч Филлип Филлипсийн “Home” дуу Хойд Америкийн хөгжмийн чартын эхний 10-т бичигдэж эхэллээ.Инди фолк урсгалын энэхүү уран бүтээлийг саяхан клипжүүлсэн байна. Үүнээс өмнө “Home” “Billboard” чартад нэлээд хойгуур бичигдэж байв.1990 оны есдүгээр сард төрсөн Филлип Филлипс “Америкийн шүтээн” шоунд түрүүлснийхээ дараа “Teen choice awards-2012”-ын шилдэг дуу, чадварлаг уран бүтээлч номинацид нэр дэвшсэн юм.Тэрбээр “Interscope” студитэй хамтран ажиллаж байгаа бөгөөд ирэх оны эхээр бие даасан анхныхаа цомгийг гаргах төлөвлөгөөтэй байгаа аж. Дуучин залуу ихэвчлэн кантри, инди фолк урсгалаар уран бүтээлээ туурвидаг.
Төрийн соёрхолт дуучин Д.Болд энэ намар тун завгүй байх гэнэ. Учир нь тэрбээр ирэх ес, аравдугаар сард хоёр цомог гаргахаар завгүй ажиллаж байгаа аж. Нэг дэх нь “Монгол поп” цомгийн үргэлжлэл “Монгол поп 2” нэртэй цомог юм. Харин хоёр дахь нь R and B поп урсгалын цомог байхаар төлөвлөжээ.
Нэг дор хоёр цомог гаргахаар зэхэж байгаа түүнийг харахад үнэхээр шаргуу дуучин гэлтэй. Гэтэл зарим нэг нь “Д.Болд дуу төрүүлэх биш дууг үйлдвэрлэдэг болоо юу даа” хэмээж байгаа сурагтай. Ямартай ч хоёрын хоёр цомгийн ажилд орсон дуучин Д.Болд “Зүрх минь хайраар цохилох юм ” нэртэй шинэ дуугаа олны хүртээл болгож байгаа аж.
Улсын хэмжээнд хот, дүүрэг, аймгийн музейн сан хөмрөгийг энэ наймдугаар сарын 15-наас эхлэн тоолох юм байна.
Эд өлгийн болон сан хөмрөгт хадгалагдаж байгаа түүхийн үнэт зүйлсийг бүртгэн тоолох бөгөөд орон нутгийн музей, сумдын орон нутаг сурталчлах танхимын сан хөмрөгийг тоолох ажлыг нэгэн зэрэг эхлүүлэх аж.
Энэ талаар өнөөдөр 15.00 цагт Засгийн газрын хэрэгжүүлэгч агентлаг Соёл, урлагийн хорооноос мэдээлэл хийх нээ.
