Оскарын шагналт, Америкийн кино жүжигчин, найруулагч Николас Кейж Америкийн метал рок Motley Crue хамтлагийн дуучин Нил Винстей Лас Вегасын шөнийн клубт наргижээ.
Өдгөө 48 настай алдарт жүжигчин Николасыг Нил Винс оройн хоолонд урьсан бөгөөд тэд хамтдаа цагийг хөгжилтэй өнгөрөөж байгаа нь паппарацид ийнхүү өртжээ.
Николасыг Лас Вегаст эхнэртэйгээ хамт тус хамтлагийн тоглолтыг үзэхээр ирэхэд нь ийнхүү Нил түүнийг оройн хоолонд урьсан гэнэ. Тэд дараа нь шөнийн клубт орон шар айраг уусан аж. Николас ойрын өдрүүдэд ихэнх цагаа Англид өнгөрүүлж байгаа аж. Тэрбээр Англид байгаа талаараа “The Sun” сэтгүүлд ярилцлага өгөхдөө “Би сүүлийн үед ихэнх цагийг Англид гэр бүлийн хамт өнгөрүүлж байна. Би энд ирэх дуртай. Учир нь Английн түүх, эрт цагийн үлгэр домгууд нь надад үнэхээр сонирхолтой санагддаг. Дэлхийд алдартай Англи Саксоны түүх, хэл соёл шүү дээ. Үүнийг хэн ч сонирхохгүй байх аргагүй юм” гэжээ.
