Зохиогч: Урлаг

Владимир Путиний засаглалыг эсэргүүцсэн утга агуулгатай дуу дуулж шуугиан дэгдээсэн “Пүси Райот” хамтлагийн гишүүдийн шүүх хурал баасан гаригт өндөрлөж шүүх шийдвэрээ гаргах ажээ. Тэд 2-р сарын 21-нд Москва хотын нэгэн сүмд дайран орж Путиний эсрэг панк дуу дуулж эсэргүүцлээ илэрхийлсэн юм.

Оросын Үнэн алдартны сүм орчин үеийн панк рок урсгалын эсрэг хатуу байр суурь баримталдаг нь “Пүси Райот” хамтлагийн шүүх хурлаас харагдаж байна. Ялангуяа, Владимир Путиний засаглалын доор Үнэн алдартны шашны нөлөө байр суурь их бэхжсэн. “Пүси Райот” хамтлагийн гишүүдэд тэнсэн харгалзах ял оноосон ч гэсэн олон нийтийн дунд Үнэн алдартны шашны сүмийн нэр хүнд унах нь тодорхой гэж сөрөг хүчний гишүүд тайлбарлаж байна.

Этгээд содон байдлаараа үргэлж олны анхаарлыг татаж байдаг дуучин Лэди Гага өчигдөр өөрийн фейсбүүк хуудсандаа нэгэн шинэ трейлэрийг нэмжээ.

Энэ бол ирэх есдүгээр сард худалдаанд гаргахаар товлоод буй түүний нэрийн үнэртний албан ёсны трейлэр нь юм байна.

Тэрбээр анх удаа өөрийн нэрийн үнэртэнг гаргахаар ажиллаж байгаа бөгөөд “Fame” хэмээх нэртэй сүрчиг нь өндөг хэлбэр бүхий хар шилэн савлагаатай, алтадсан талст шиг таглаатайгаар худалдаанд гарах нь ээ.

Ники Минаж өчигдөр буюу мягмар гаригт Америкийн NBC телевизийн “Today” шоунд оролцож өөрийн уран бүтээлээ толилуулсан байна. Тэрбээр “The Alarm” хэмээх шинэ уран бүтээлээ уг шоунд дуулсан бөгөөд час улаан өнгийн донжтой хувцсаар гангарч олныг гайхашруулжээ.

Түүний гоёсон улаан өмсгөл биеийг нь нилээд барьж, өөрт нь тав тухгүй мэт байгаа боловч харин фэнүүдэд нь үнэхээр их таалагдсан гэнэ.

Түүний өөртөө итгэлтэй байдал, хэзээд бусдыг гайхашруулдаг зан нь энэ удаа түүнийг бас л өөрчилсөнгүй аж.

Тэрбээр сүүлийн үед нилээд завгүй байгаа бөгөөд хоёр долоо хоногийн өмнө Лас Вегаст болсон “The Sin City” шоунд оролцсон юм байна.

Харин ирэх долоо хоногт тэрбээр Их Британид болох V Festival-д оролцох аж.

Дуучин О.Анхбаяр, Б.Ха­лиун нарыг Монголын урла­гийн сайхан хосуудын нэг гэдэгтэй маргах хүн үгүй. “Киви”-гийн гоо охи­доос хамгийн сайхныг нь “сугалж”, эхнэрээ болгон урвуулсан дуучин Анхаа гэргийгээ хайр, халамжаар дутаадаггүй гэлцдэг. Тэр­бээр сайхан гэргийдээ цаг үргэлж гэнэтийн бэлэг барих тухай боддог гэнэ.

Хамгийн сүүлд л гэхэд дуучин залуу гэргийдээ 2012 оны цоо шинэ загварын Ниссан Жуке маркийн машин бэлэглэжээ. Тэрбээр энэ машиныг Японд явж байхдаа сонирхож, үнийг нь судалсан аж. Тиймээс баяр наадмын өмнө хүслээ гүйцээж, үзэсгэлэнт гэр­гийдээ цоо шинэ машины түлхүүр атгуулсан байна.

Холливудын жүжигчин Роберт Паттинсон Нью-Йорк хотод болсон “Космополис” киноны нээлтэд оролцохоор очсон гэнэ.

Найз бүсгүй Кристин Стюарт нь түүнийг мэхэлснээс хойш олны өмнө ердөө гараагүй байсан тэрбээр инээмсэглэл дүүрэн байсан аж. “Космополис” кинонд жүжигчин залуу эхнэрээ хуураад ямар ч хөрөнгөгүй болсон тэрбумтны дүрийг бүтээсэн юм.

Киноны нээлтийн үеэр сэтгүүлчид түүнээс ярилцлага авч байсан ч Роберт хувийнхаа амьдралын талаар нэг ч үг хэлээгүй байна. Gucci фирмийн костюмээр гоёсон залуу их л өнгөлөг, цоглог харагдаж байсан аж.

Жүжигчин И.Одончимэг өнөр өтгөн гэр бүлтэй болсон. Шуугиантай болох тэдний хурим ирэх сард болно. Хуримын үеэр жүжигчин бүсгүй хуримын цаагаан даашинзаар гоёх бол ээлжит гэнэтийн бэлгээ Бархүүгээс авчээ. Тэрээр эхнэрээ нярайлах үед нь хагас тэрбум төгрөгийн үнэтэй хаус захиалсан бөгөөд хуримын дараа шинэ хаустаа орохоор завгүй байгаа гэнэ. Харин хуримын даашинзыг “Шилмэл загвар”-ын динайзнерууд урлаж байгаа аж.

Дэлхийн мисс 2012 тэмцээнд оролцож байгаа Х.Баярмаа багаасаа урлагийн гэр бүлд өссөн учир сонгосон мэргэжилдээ хайртай гэнэ. Сайхан аав, ээжийн хайранд өссөн тэрээр өөрийгөө хамгийн азтай охин гэж боддог аж. Тэрээр ээж, аавынхаа байгуулсан “Шилдэг өнгө” продакшныг өргөжүүлэн театр байгуулах мөрөөдөлтэй аж. Мөн жүжигчний мэргэжлээ хэзээ ч орхихгүй бөгөөд Монголын анхны Холливудын жүжигчин болохыг хүсдэг гэнэ. Одоогоор тэмцээний сүүлийн шатанд бэлдээд завгүй байгаа мисс бүсгүй зав, зайгаар нь гэрийнхэнтэйгээ холбоо барьж урмын үгээр цэнэглэгддэг аж.

Өдгөө 43 настай жүжигчин Женифер Энистон, найз залуу найруулагч Жастин Тератайгаа гэрлэхээр шийджээ. Хосууд 2011 оноос эхлэн болзож эхэлсэн бөгөөд түүний нөхөр болох найруулагч Жастин Тера нь 41 настай ажээ. Ж.Энистон нь Холливүүдийн алдарт гэр бүл хэмээх нэрийг 2000-2005 оны хооронд Брэд Питтэй гэр бүл байхдаа хүртэж байсан юм. Харин Ж.Тера нь анх удаагаа гэрлэх гэж байгаа гэнэ.

Бүх урлагийн дотроос хамгийн агуу нь кино урлаг юм хэмээсэн байдаг. Тэгвэл холливудын алдартай кино найруулагчид болоод жүжигчидээс өнгөрсөн үеийнхнийхээ бүтээсэн дүр, санаатайн адилханаар бүтээсэн олон кинонууд байдаг билээ. Ийнхүү та бүхэндээ өнгөрсөн үеийн киноноос санаа авч бүтээсэн кино болон жүжигчдийн адилхан тоглолтуудтай гэрэл зурагнуудыг хүргэж байна.

Жүжигчин Г.Золбоотын эхнэр н.Мөнхтуяа гэх эмэгтэй Дундговь аймгийн музейгээс ХIII зууны үеийн баатрын хөө хуягийг аваад “алга болгочихсон” гээд эргүүлж өгөлгүй зургаан жил болжээ.

Анх 2006 онд ХVIII зууны үеийн доторгүй хоёр дээл болон XIII-XVIII зууны үеийн баатрын бусад эдлэл хэрэглэлийг авсан бөгөөд дээрхи түүхэн эд өлгийн зүйлс алга болсныг 2007 онд музейн тооллогоор мэдсэн ажээ. Ингээд эргүүлэн авах гэтэл н.Мөнхтуяа хэнэгч үгүй алга болгочихсон гээд буцааж өгөөгүй нэг ёсондоо голруулчихсан байна.