18 дахь удаагийн “Улаанбаатар” олон улсын кино наадам ирэх аравдугаар сарын 16-22-нд болно. Тус наадам нь Монголын кино урлагийг дотоод, гадаадын үзэгчид болон олон улсын кино салбарын төлөөлөгчдөд танилцуулах, үндэсний шилдэг бүтээлүүдээс үзэгчдэд онцлон үзүүлэх зорилгоор “Монгол кино” хөтөлбөрийг шинээр зохион байгуулж байна. “Монгол кино” хөтөлбөрт 2025–2026 онд бүтээгдсэн бүрэн хэмжээний уран сайхны болон баримтат кино бүтээл хүлээн авах тул уран бүтээлчид бүтээлээ ирүүлэх боломжтой. Мөн хөтөлбөрт ирүүлсэн бүтээлүүдээс наадмын албан ёсны үзвэрт шалгаруулан толилуулах ба “Хангарди” уралдаант хэсэгт өрсөлдөх боломжтой аж. Түүнчлэн 18 дахь удаагийн “Улаанбаатар” олон улсын кино наадам энэ удаагийн “Үзэхийн хязгаар” хөтөлбөрөөрөө Урлагийн гавьяат зүтгэлтэн, найруулагч И.Нямгаваагийн 1983…
Зохиогч: Урлаг
Урлагийн гавьяат зүтгэлтэн Б.Ахтаны нэрэмжит Баян-Өлгий аймгийн төв номын сангаас 40 дэх удаагийн намрын “Номын баяр”, “Эх хэлний өдөр”-ийг тохиолдуулан уншигчдын уулзалт зохион байгууллаа. Уулзалтад Баян-Өлгий аймгийн Боловсролын газрын монгол хэл, уран зохиолын боловсрол хариуцсан ахлах арга зүйч, хэл шинжлэлийн доктор (Ph.D) С.Гаура оролцож, “Эх хэлний дархлаа” сэдвээр мэдээлэл өглөө. Тэрбээр уулзалтад оролцсон сурагч, залууст монгол хэл, бичгээ зөв сайн сурах, монгол бичгээ өвлөн уламжлахын ач холбогдлыг тайлбарлаж, монгол бичгийн онцлог болон богино хугацаанд суралцахад дөхөмтэй аргуудын талаар зөвлөгөө өгчээ. Мөн оролцогчдын сонирхсон асуултад хариулж, харилцан ярилцсан байна. Мөн монгол хэл, бичгээ сайжруулахад сурах бичиг, толь бичиг ашиглах, ном товхимол…
“Оскар”-ын шагналт жүжигчин Ке Хюи Куан “Never Say Die” нэртэй дурсамж номоо гаргажээ. Эл ном есдүгээр сарын 15-нд худалдаанд гарсан байна. Куан 2023 оны “SAG Awards”-ын улаан хивсний үеэр олон жил хүндэлж явсан нэгэн алдартай жүжигчнийг олж хараад хамтдаа зураг авахуулахыг хүссэн байна. Тэрбээр өөрийнхөөрөө хөгжилтэй царай гарган зураг авахуулсан боловч нөгөө жүжигчин түүний царайг шүүмжилж, тухайн орой шагнал авахгүй гэсэн утгатай үг хэлсэн хэмээн Куан номдоо бичжээ. Куан “People” сэтгүүлд өгсөн ярилцлагадаа тухайн жүжигчний нэрийг яагаад нууцалсан талаараа тайлбарлахдаа, хүмүүс хэн байсныг мэдэхийг хүсэх нь ойлгомжтой ч тухайн хүн хэн байсан нь өөрт нь болсон явдлаас авсан сургамжаас илүү…
“Squid Game” цувралаар дэлхий дахинд танигдсан жүжигчин Хоён найруулагч На Хон Жиний “Hope” шинжлэх ухааны уран зөгнөлт триллерт тоглох нь өөрийнх нь мөрөөдлийн кино төсөл байсан хэмээн ярьжээ. Тус бүтээл нь Хоёны бүрэн хэмжээний кинонд тоглосон анхны ажил болж буй юм. Хоён 2021 онд “Netflix”-ийн “Squid Game” цувралын тоглолтоороо олон улсад танигдаж, “Эмми”-гийн шагналд нэр дэвшсэн юм. Үүний дараа тэрбээр 2024 оны “Disclaimer” цувралд Кейт Бланшетттэй хамтран тоглож, найруулагч Альфонсо Куаронтой ажилласан байна. Жүжигчин “Squid Game”-ийн дараа кино урлагийн туршлагатай уран бүтээлчидтэй хамтран ажиллах хүсэлтэй байсан бөгөөд “Hope” түүнд энэ боломжийг олгосон гэжээ. Тэрээр найруулагч На Хон Жин, жүжигчин Хван…
“KPop Demon Hunters” анимэйшны “Golden” дуугаараа олонд танигдсан дуучин Ejae “Le Sserafim”-тай хамтран “Made My Night” дууны шинэ хувилбарыг гаргасны дараа цахим орчинд маргаан дэгджээ. “Le Sserafim” есдүгээр сарын 14-нд “Made My Night (feat. Ejae)” ремиксийг танилцуулсан бөгөөд Ejae зөвхөн дуулаад зогсохгүй уран бүтээлийн ажилд оролцсон байна. Тэрбээр өмнө нь “Le Sserafim”-ийн “So Cynical” дууны уран бүтээлд мөн оролцож байсан бөгөөд энэ нь тэдний хоёр дахь хамтрал болжээ. Гэвч шинэ дуу гарсны дараахан сошиал орчинд Ejae 2024 онд “Berklee College of Music”-д лекц хийх үеэрээ “Le Sserafim”-ийн дуулах чадварыг шүүмжилсэн гэх мэдээлэл тархсан байна. Уг мэдээллийг “Weibo”-д өөрийгөө тус сургуулийн…
Эрдэмтэд чулуужсан шүдийг ашиглан Тираннозавр (Т.rex) үлэг гүрвэлийн биеийн температурыг тогтоож чадсанаа мэдээлжээ. Сонирхолтой нь, энэхүү араатны биеийн дулаан хүнийхтэй ойролцоо байсан байна. Судлаачид өмнө нь үлэг гүрвэлүүдийг удаан хөдөлгөөнтэй, хүйтэн цустай амьтан гэж үздэг байв. Харин хожим явуулсан судалгаанууд тэднийг халуун цустай, биеийн температураа зохицуулж чаддаг байсныг тогтоосон юм. Тирранозаврын хувьд халуун цустай байсан гэдэг дээр эрдэмтэд санал нийлдэг ч яг хэмжээг нь мэддэггүй байжээ. “Бид үүнийг тогтоохын тулд зүгээр л термометр ашиглах боломжгүй шүү дээ” гэж Жон Хопкинсийн Их сургуулийн палеобиологич, энэхүү судалгаанд оролцоогүй Жасмина Виманн хэлж байна. Эрдэмтэд тирранозаврын өсөлт хөгжлийг судлах, эсвэл яснаас нь ул мөр хайх зэрэг…
Туркийн нийслэл Анкара хотын археологийн дурсгалт газраас 66 сая жилийн өмнө Тетисийн тэнгисийн эрэг орчимд амьдарч байсан дунгийн чулуужсан үлдэгдэл илрүүлсэн тухай тус улсын Соёл, аялал жуулчлалын сайд Мехмет Нури Эрсой мэдэгджээ. Уг чулуужсан үлдэгдлийг Гөлбаши дүүргийн Күлхөюк тосгон орчимд хийсэн малтлагын үеэр олж илрүүлсэн байна. Дун нь нялцгай биетний төрөлд багтдаг. Судлаачдын үзэж байгаагаар, уг олдвор нь 250 орчим сая жилийн өмнө үүсэж, өнөөгийн Төв Анатолийн зарим хэсгийг бүрхэж байсан эртний Тетис тэнгис оршин байсан сүүлчийн үед хамаарах аж. Харин Күлхөюк нь ойролцоогоор 5000 жилийн өмнө бий болсон суурин бөгөөд Хатти болон Хиттийн соёл иргэншилтэй холбоотой газар юм. Ийнхүү чулуужсан үлдэгдэл…
Америкийн хамгийн эртний, хамгийн найдвартай толь бичиг “Merriam-Webster” 1400 шинэ үг, хэллэгийг толь бичигтээ нэмжээ. Шинээр орсон үгсийн дунд сүүлийн жилүүдэд залуусын хамгийн их ашиглагдаг “glow-up”, “looksmaxxing”, “meme coin”, “trash panda” зэрэг үгс багтсан байна. Тухайлбал, “trash panda” нь элбэнхийг өхөөрдөн нэрлэдэг хэллэг юм. “Merriam-Webster”-ийн мэдээлснээр шинэ үгс нь хүмүүсийн өдөр тутмын амьдралд өргөн хэрэглэгдэж, тодорхой хугацаанд тогтсон хэрэглээтэй болсон үг, хэллэгүүд аж. Тиймээс эдгээр нь өнөөгийн нийгэм, соёлын өөрчлөлтийг харуулж байна гэжээ. Шинэ үгсийн зарим нь хоол хүнстэй холбоотой. Тухайлбал: Superfood – шим тэжээл, амин дэмээр баялаг хүнс Bao – Азийн орнуудад түгээмэл, дотор нь шанз хийсэн зөөлөн талх…
Монголын уран зургийн галерейн үзэсгэлэнгийн их танхимд “Бүтээхүй-Үлдээхүй” сэдэвт түүхэн сонины үзэсгэлэнг “Esan – Үндэсний цахим сан” зохион байгуулж байна. Тус үзэсгэлэн нь Монгол Улсын хэвлэл мэдээллийн салбарын 100 гаруй жилийн түүх, соёлын үнэт өвийг олон нийтэд таниулах, хадгалан хамгаалах, хойч үедээ өвлүүлэн үлдээх зорилготой бөгөөд үзэсгэлэнд Монголын нийгэм, улс төр, эдийн засаг, соёл урлагийн онцлох түүхэн үйл явдлуудыг өгүүлэх архивын сангаас тусгайлан сонгосон 30 гаруй сонины дугаарыг дэлгэн үзүүлж байгаагаараа онцлог юм. Үзэсгэлэнгийн нээлтэд “И эс эй эн” компаны удирдлага, төлөөллүүд оролцож, түүхэн сонины дугаарууд нь тухайн цаг үе, нийгэм соёлын өөрчлөлтийг хэрхэн баримтжуулж ирсэн тухай түүнчлэн тэдгээрийг цахимжуулан…
Монгол Улсын төр, нийгэм, цэргийн нэрт зүтгэлтэн, БНМАУ-ын баатар, Хөдөлмөрийн баатар, маршал Юмжаагийн Цэдэнбалын мэндэлсний 110 жилийн ойд зориулан бүтээсэн “БНМАУ-ын баатар, маршал Ю.Цэдэнбал” баримтат киноны нээлт есдүгээр сарын 16-нд Увс аймгийн 18 сумын Соёлын төв болон “Ойрад” театрт нэгэн зэрэг боллоо. Баримтат кинонд Ю.Цэдэнбалын бага, идэр, өтөл нас, боловсрол, ажил, амьдралын замналын талаар өгүүлэхийн зэрэгцээ тухайн үеийн Монгол Улсын хөгжилд оруулсан хувь нэмрийг түүхэн үйл явдал, баримтад тулгуурлан харуулжээ. Киноны нээлтийг орон нутгийн иргэд, төрийн албан хаагчид, ерөнхий боловсролын сургуулийн сурагчид зэрэг 5000 гаруй хүн үзэж, маршал Ю.Цэдэнбалын амьдрал, ажил үйлс, Монголын төр, нийгмийн хөгжилд оруулсан хувь нэмрийг түүхэн…