Жонни Депп болон “Dior” брэндийн олон жилийн хамтын ажиллагаа үргэлжилсээр байна. Тодруулбал, “Dior” брэнд эрэгтэйчүүдийн “Sauvage” үнэртний цувралынхаа сүрчиг болох “Sauvage Extrait”-ийг танилцууллаа. Эл шинэ сүрчгийн сурталчилгаан жүжигчин Жонни Депп тогложээ. Жонни Депп 2015 онд анх худалдаанд гарсан цагаас нь хойш “Dior Sauvage”-ийн нүүр царай болж ирсэн. Арван гаруй жилийн дараа ч тэрбээр уг үнэртний салшгүй нэг хэсэг хэвээр байгаа бөгөөд “Dior”-ийн шинэ сурталчилгааны кино, сурталчилгааны ажлуудад оролцсоор байна. 2026 оны долдугаар сарын 31-нд худалдаанд гарсан уг үнэртнийг “Dior”-ийн үнэртний бүтээлч захирал Франсис Куркджян бүтээжээ. Куркджяны тайлбарласнаар шинэ сүрчиг нь илүү ширүүн, байгаллаг төрхтэй, эрэгтэйлэг чанарыг эрэлхийлсэн бүтээл юм байна.…
Зохиогч: Урлаг
Өмнөд Солонгосын нэрт телевизийн найруулагч Ан Пан Сок 2026 оны наймдугаар сарын 12-нд 64 насандаа таалал төгслөө. Тэрбээр өнгөрсөн жилээс уушгины хорт хавдрын эмчилгээ хийлгэж байсан бөгөөд сүүлд тархинд нь цус харваж, эмчилгээ хийлгэж байсан ч биеийн байдал нь улам хүндэрч, нас барсан байна. Түүний нас барсан тухай мэдээ Өмнөд Солонгосын энтертайнмент салбарт ихээхэн уй гашуу дагуулж, хамтран ажиллаж байсан жүжигчид, уран бүтээлчид болон салбарынхан эмгэнэл илэрхийлжээ. Ан Пан Сок телевизийн салбарт 1987 онд продюсероор ажиллаж эхэлсэн бөгөөд 1994 онд найруулагчийн анхны бүтээлээ туурвижээ. Тэрбээр бараг 40 жилийн уран бүтээлийн замналдаа бодит амьдралыг үнэн зөв харуулсан өгүүлэмж, сэтгэл хөдлөлөөр баялаг…
Их Британийн хамгийн том албан ёсны “Harry Potter” дэлгүүр Лондон хотын алдарт Оксфорд гудамжинд энэ оны арваннэгдүгээр сарын 4-нд үүдээ нээхээр болжээ. “Warner Bros.”-ийн эзэмшдэг тус дэлгүүр нь хоёр давхар, 21,000 квадрат фут буюу ойролцоогоор 1,950 м² талбайтай байх бөгөөд Лондонгийн Оксфорд гудамжны 134–140 тоот, “The Ribbon” цогцолборт байрлана. Дэлгүүрийн дотоод заслыг “Harry Potter”-ын ертөнцөд аялах мэт сэтгэгдэл төрүүлэхээр тохижуулж, ном болон кинонд гардаг алдартай газруудын хэв маягийг шингээх аж. Мөн зочдод зориулсан зураг авах тусгай хэсгүүд, интерактив үзүүлэн, зөвхөн тус дэлгүүрт худалдаалагдах онцгой бараа бүтээгдэхүүн байх юм. Түүнчлэн хоёр давхар дэлгүүрийг “Diagon Alley”-гийн уур амьсгалаас санаа авч тохижуулах бөгөөд…
Монгол улсын Төрийн шагналт, Хөдөлмөрийн Баатар, Ардын жүжигчин, хөгжмийн зохиолч Дагвын Лувсаншарав агсны мэндэлсний 100 жилийн ой энэ онд тохиож буй. Эл ойг тэмдэглэн өнгөрүүлэх ажлын хүрээнд түүний шилдэг уран бүтээлүүдийн анхны хувилбараас бүрдсэн пянзыг “Дагвын Лувсаншарав” сангаас болон үр хүүхдүүдээс нь санаачлан бэлтгэн гаргаж байна. Энэхүү цомогт орсон бүтээлүүдийн анхны хувилбарыг МҮОНРТ-ийн архив, “Алтан сан хөмрөг”-өөс авч оруулжээ.
Монголын түүх, утга зохиолын ертөнцөд анхаарал татсан шинэхэн бүтээл тун удахгүй уншигчдын гарт очих гэж байна. Судлаач Ж.Соёмбын бичсэн “Өэлүн эхийн нууц товчоо” ном Их эзэн Чингис хааны мэндэлсэн өдөр буюу “Монголын бахархлын өдөр”-өөр албан ёсоор нээлтээ хийж, нийтийн хүртээл болохоор товлогджээ. Түүхэн сурвалж, эх сурвалжид гүнзгий үндэслэсэн уг бүтээл нь Их хааны эх Өэлүн хатны амьдралын замнал, хатан зориг, төрт ёсны ухаарал болон эзэнт гүрний суурийг тавьсан түүхийг цоо шинэ өнцгөөс харуулснаараа онцлог юм. Энэ нь үндэсний түүх, өв соёлоо дээдлэн үнэлдэг түүх сонирхогчдын хүсэн хүлээсэн томоохон бэлэг болох нь ээ.
Засгийн газрын өчигдөр /2026.08.12/-ийн хурлаас Хиймэл оюун ухааны үндэсний зөвлөлийг Ерөнхий сайдаар ахлуулан байгууллаа. Зөвлөлийн ахлагчаар Ерөнхий сайд, дэд даргаар Цахим хөгжил, харилцаа холбоо, Боловсролын сайд, гишүүдээр Сан, Гадаад харилцаа гэх мэт бүх салбар яамны сайд нар, мөн салбар чиглэлийн мэргэжлийн холбоод, ААН-үүд багтжээ. Зөвлөл нь төрийн үйлчилгээ, боловсрол, эрүүл мэнд зэрэг саларуудад хиймэл оюн ухааныг хэрхэн нэвтрүүлэх бодлогыг тодорхойлж хэрэгжүүлэх ажлыг хийх юм байна. Монгол улс AI ногоон дата төв байгуулах шийдвэр гаргасан. Үүнтэй холбоотойгоор Өөгөгдлийн тухай анхдагч хуулийн төслийг боловсруулж эхэлсэн бөгөөд КОП 17 хурлын үеэр энэ чиглэлд хийж байгаа ажлаа танилцуулж, хөрөнгө оруулалт татах эхний алхмаа хийхээр бэлдэж…
“Orange” энтертайнмент, VOO-гийн хамгийн бүтээл, Монголын анхны түүхэн, детектив “Мөрч” олон ангит кино өнгөрсөн оны гуравдугаар сард үзэгчдийн хүртээл болсон. Тэгвэл найруулагч П.Дэлгэрбаяр толгой эргүүлэм, адармаат гэмт хэргийн цуврал “Мөрч-2” олон ангит киног бүтээхээр болжээ. “Мөрч” кинонд Монгол улс, Манж Чин гүрний дагаар улс байх үе буюу XIX зууны сүүлx үед өрнөх үйл явдал, нууцлаг гэмт хэргийн мөрдлөгийн тухай өгүүлсэн юм. Түүнчлэн 1921 оны хувьсгалаас өмнөх үеийн алдартай хүмүүсийн тухай дүрслэхдээ ихэвчлэн ямар нэгэн мяндаг тушаалтан, эрдэм шидтэй лам хувраг, шилийн сайн эрчүүдийг онцолдог бол “Мөрч” олон ангит киноны хувьд энгийн малчин хүмүүсийн дотор юмыг гүн гүнзгийгээр харж чаддаг, даруухан,…
Дэлхийн археологийн салбарын хамгийн нэр хүндтэй, зэрэглэл өндөртэйд тооцогддог “Antiquity” сэтгүүл Монгол, Францын хамтарсан экспедицийн судалгааны үр дүнг наймдугаар сарынхаа онцлох өгүүллээр нэрлэж, малтлагын үеийн зургийг нь эхний нүүрэндээ хэвлэжээ. МУИС-ийн багш, археологич, доктор, профессор Ц.Төрбатын удирдсан эл экспедиц Архангай аймгийн Өгийнуур сумын нутагт орших Тамирын улаан хошууны Хүннүгийн оршуулгын дурсгалт газарт олон жилийн турш малтлага, судалгаа хийж, Хүннүгийн соёлтой холбогдох үнэт олдворыг илрүүлэн, удамшил зүй болон хүн ам зүйн талаас нь цогц судалсан юм. МУИС-ийн Нүүдэлчдийн археологийн хүрээлэнгийн цахим хуудсанд эл төслийн талаар “Ц.Төрбат тэргүүтэй археологичид Тамирын голын хүннүчүүдийн эдийн соёлыг судлахаас гадна тэдний удамшил зүй, антропологи, ДНХ-ийн цогц…
Зэрлэг амьтны нүүдлийн зүйлийг хамгаалах конвенцын хүрээнд аргаль бүхий улс орнууд хамтран олон улсын төлөвлөгөөг батлан хэрэгжүүлж эхлээд байна. Конвенцын зүгээс уг төлөвлөгөөний хэрэгжилтийг сайжруулах, улс орнуудад дэмжлэг үзүүлэх, зохицуулах үүрэг бүхий байгууллагаар Германы байгаль хамгаалах холбоо олон улсын байгууллага болох “NABU”-г сонгосон. Тус байгууллагын төлөөллийг БОУАӨЯ-ны холбогдох албаныхан хүлээн авч уулзлаа. Уулзалтад аргаль хамгааллын 2024–2032 оны үйл ажиллагааны төлөвлөгөөний хэрэгжилтийг дэмжих олон улсын хамтын ажиллагааны хүрээнд “NABU” байгууллагыг төлөөлөн, олон улсын зохицуулагч Халил Каримов (Khalil Karimov) оролцов. Монгол Улс аргаль хамгааллын үндэсний төлөвлөгөөг боловсруулан баталж, тархац нутгийг улсын тусгай хамгаалалтад авах, тодорхой ашиглалтын нөөц бүхий газрыг агнуурын бүсэд хамруулж,…
Ховд аймгийн төвөөс 300-400 км зайд, улсын хил дагуу орших баруун бүсийн Булган, Үенч, Алтай сумыг зорих замд Бодончийн хавцлыг дайран өнгөрдөг. Бодончийн хавцал нь байгаль, газар зүйн тогтоцоороо 90 км үргэлжилдэг. Энэ үзүүлэлтээрээ Монголын хамгийн урт хавцалд тооцогддог ажээ. Харин алтайн нурууны Бага улаан даваанаас эхэлж, хавцлын төгсгөл (Тэмээн хүзүү) хүртэл туулах хатуу хучилттай авто замын урт нь 110 км байдаг. Энэ хавцал нь огцом эргэлт ихтэй. Өндөр уулс, гол, зэрлэг амьтан, олон төрлийн ургамал бүхий байгалийн үзэсгэлэнт тогтоцтой тул аялагчдын сонирхлыг татдаг юм. Хавцлын дундуур Бодончийн гол урсдаг учраас ийнхүү Бодончийн хавцал хэмээн нэрлэжээ.