Кино урлагийн хамгийн муу бүтээлүүдийг тодруулдаг “Алтан бөөрөлзгөнө” наадам ирэх гуравдугаар сарын 1-нд болно. 45 дахь удаагаа зохион байгуулагдах тус наадамд нэр дэвшигчдийг өчигдөр /2025.01.22/ зарлалаа. Өнөө жилийн наадамд 2019 онд тэрбум ам.долларын ашиг олж байсан “Joker” киноны хоёрдугаар анги болох “Joker: Folie a Deux” уран сайхны кино хамгийн муу кино, хамгийн муу үргэлжлэл кино гэхчилэн долоон номинацад буюу хамгийн олон төрөлд нэр дэвшжээ. Түүнчлэн “Joker”-ын эхний ангид бүтээсэн дүрээрээ “Оскар”-ын шилдэг эрэгтэй гол дүрийн жүжигчний шагнал хүртэж байсан Хоакин Феникс энэ удаа хамгийн муу эрэгтэй жүжигчин төрөлд, дуучин Леди Гага хамгийн муу эмэгтэй жүжигчин төрөлд мөн “өрсөлдөх” аж. Дээр…
Зохиогч: Урлаг
Монголын “Эрдэнэ зуу” хийд дэлхийн хөшөө дурсгалын сангаас анхаарах ёстой 25 түүхэн, дурсгалт газруудын нэгээр шалгарсныг албан ёсоор зарлав. Тодруулбал, Монголын урлагийн зөвлөлөөс Дэлхийн хөшөө дурсгалын сантай хамтран 2025 оны World Monuments Watch хөтөлбөрт Монголын буддын шашны цөөхөн дурсгалт газруудын нэг “Эрдэнэ зуу” хийдийг уур амьсгалын нөлөөллөөс хадгалан хамгаалах, ирээдүйн өвийн мэргэжилтнүүдийг бэлтгэх зорилгоор нэр дэвшүүлсэн нь олон улсын үнэлгээ, хяналт, өвийн шинжээчдийн хараат бус шалгаруулалтад тэнцжээ. Дэлхийн хөшөө дурсгалын сан нь 1996 оноос эхлэн, хүн төрөлхтний түүхийг илэрхийлэх, үнэт дурсгал, дурсгалт газруудыг хамгаалах зорилгоор хоёр жил тутамд зарладаг World Monuments Watch хөтөлбөрийг олон улсын мэргэжилтнүүдтэй хамтран хэрэгжүүлдэг билээ. Дэлхийн 112 оронд 700 гаруй төсөл хэрэгжүүлсэн,…
Үндэсний бичиг, соёлоо түгээн дэлгэрүүлэх, уран бүтээлчид, багш, оюутан, сурагчдын шинэлэг санаа, авьяас чадварыг нийтэд таниулах зорилгоор Үндэсний мэдээллийн МОНЦАМЭ агентлагаас жил бүр уламжлал болгон зохион байгуулдаг “Монголын сайхан бичигтэн-2024” олон улсын уралдааны шилдгүүд өчигдөр /2025.01.22/, уран бүтээлийн үзэсгэлэн Чингис хаан Үндэсний музейн үзэсгэлэнгийн танхимд дэлгэгдлээ. “Монголын сайхан бичигтэн” 28 дугаар уралдаанд 18 аймаг, 9 дүүрэг, БНХАУ-ын Өвөрмонголын Өөртөө Засах орон, ОХУ-ын Буриад Улсаас нийт 1200 оролцогчид бүтээлээ ирүүлжээ. Уралдаанд оролцогчдын тоо жил ирэх тусам өсөн нэмэгдэж, бүтээлийн чанар сайжирч байна. Энэ жилийн оролцогчдоос хамгийн ахмад нь Баянгол дүүргийн 1 дүгээр хорооны иргэн, Завхан аймгийн Алдархаан сумын уугуул эдүгээ 102…
Монакогийн Монте-Карло хотод зохион байгуулдаг олон улсын “А” зэрэглэлийн тэмцээнээс Монголын циркчид хүрэл цом хүртжээ. Тодруулбал, олон улсын тэмцээнд эх орноо төлөөлөн оролцсон “Монгол циркийн хөгжлийн төв”-ийн продюсер Н.Эрдэнэ, Н.Энхболд багштай акробатын залуу жүжигчид өсвөр насны ангилалд хүрэл цом хүртсэн байна. Дэлхийн 20 орны 231 циркийн жүжигчин тус тэмцээнд оролцож, авьяас чадвараараа өрсөлджээ. Циркийн урлагийн дээд зэрэглэлийн олон улсын тэмцээн буюу олимп гэгддэг тус тэмцээнд Монгол Улсаас энэ жил гурван баг гурван өөр төрөлд оролцсон байна. “Монгол циркийн хөгжлийн төв”-ийн уран нугараачид 2019 онд “Уолт Дисней”-н бүтээл “Дамбо” хүүхэлдэйн киног 60 жилийн дараа бүрэн хэмжээний уран сайхны кино болгон бүтээхэд туслах дүрд тоглож байсан юм.
Ирэх гуравдугаар сард нээлтээ хийхээр товлоод буй Монгол кинонуудыг танилцуулъя. “Цөвүүн цаг” /2025.03.06/ “Фантастик” продакшны найруулагч Б.Тамир дараагийн уран бүтээлдээ “Цөвүүн цаг” нэртэйгээр хүргэх гэж байна. Энэхүү уран бүтээлийг тэрбээр аавтайгаа хамт буюу Гавьяат жүжигчин, найруулагч О.Бат-Өлзийн хамт найруулжээ. Тус киноны зураг авалтыг өнгөрсөн долдугаар сард Өмнөговь аймагт авч гүйцэтгэсэн аж. Ташрамд дурдахад, Б.Тамир өнгөрсөн хугацаанд дэлгэцийн 20 шахам уран бүтээлийг найруулж, үзэгч олонд толилуулжээ. Хамгийн сүүлд “Зура”, “Зура-2: Цурам ажиллагаа”, “Зура-3: Цэвэрлэгээ” уран сайхны киног хүргэсэн нь 2017 оноос өнөөдрийг хүртэлх хамгийн шилдэг борлуулалттай кинонуудын жагсаалтыг тэргүүлээд буй. “In da house-3: Korea” /2025.03.06/ Жүжигчин Н.Баясаа, С.Батзориг, Г.Лхагвацэрэн, У.Цогтбаяр, Р.Сүхболд…
Монголын угсаатны зүйн гэр музейг үүсгэн байгуулагч, цуглуулагч О.Маш-Эрдэнийн “Дүрслэх урлагийн цуглуулга” ном худалдаанд гарчээ. 1991 оноос эхлэн өөрийн хүүхэд насны зураг зурах сонирхол болон Монгол өв соёлыг хадгалах, хамгаалах, уламжлуулах эрмэлзлээр уран зураг, монголчуудын өдөр тутмын аж амьдрал, шашин шүтлэгт холбогдох эд өлгийн зүйлс, бүтээлүүдийг цуглуулж эхэлсэн О.Маш-Эрдэнэ эрхэмийг Монголын галерей, музейн салбарыхан болон цуглуулагч, урлагийн бүтээл сонирхогчид, зураач уран бүтээлчид андахгүй. Тэрбээр урлагийн бүтээл цуглуулахаас гадна тэдгээрийгээ олонд нийтэд үзүүлж, Европын хотуудад үзэсгэлэн, арга хэмжээ зохион байгуулж, Монгол өнгө аястай урлагийг таниулах ажилд хувь нэмрээ оруулсан эрхэм юм. Түүний дүрслэх урлагийн бүтээлийн цуглуулга нь 60 гаран уран бүтээлчийн…
“VOO”-гээс дараагийн уран бүтээлээ үзэгчдэд хүргэж байна. “Өс залгамжлагч” нэртэй энэхүү уран бүтээл нь халаасны кино гэдгээрээ онцлог. Тодруулбал, өдөр тутмын амьдралд халааснаасаа гар утсаа гарган, богино хугацаанд ямар нэгэн сонирхолтой зүйл үзэх боломжийг халаасны кино олгож буй. Халаасны кино нь үзэгчдэд хамгийн ачаалалтай, богино хугацаанд, тухлах боломжтой бүх орчинд үзэхэд тохиромжтой. Босоо форматаар бүтээгдсэн бөгөөд нэг анги нь ердөө 1-2 минутын урттай тул үзэгчдийн цагийг хэт зарцуулалгүйгээр, сэтгэлд хоногшихуйц мэдрэмж төрүүлэх юм. “Өс залгамжлагч” халаасны киноны үйл явдал “G&G” группийн өв залгамжлагч Гэгээ нөхөртөө хууртагдсаны улмаас гэр бүлээ цуцлуулахаар хуулийн фирмд хандаж буйгаар эхэлнэ. Тус хуулийн фирмийн шинэ гүйцэтгэх…
СУИС-ийг Урлагийн гавьяат зүтгэлтэн, жүжигчин Б.Отгонбатын удирдлагад төгссөн залуу жүжигчин Ч.Сэлэнгэ оюутан ахуйгаасаа дэлгэцийн уран бүтээлүүдэд чадварлаг тоглож үзэгчдэд танигдсан. Тухайлбал, “18 нас: Би чамд хайртай”, “Аз жаргал”, “Хайр”, “Бумеранг”, “Girls” цуврал гэхчилэн түүний тоглосон уран бүтээлүүдийг нэрлэж болно. Түүнчлэн УДЭТ-ын бүтээл, У.Шекспирийн “Ромео, Жульетта” жүжгийн Жульеттад ч тоглоод амжсан. Ихэвчлэн драм төрлийн кинонд гэнэн цайлган, романтик бүсгүйн дүрүүдэд тоглож гараагаа эхэлсэн тэрбээр сүүлийн жилүүдэд өөр өөр төрлийн уран бүтээлүүдэд тоглон өөрийгөө сорьж буй. Тодруулбал, найруулагч Б.Чингүүний АНУ-д бүтээсэн “Six feet” адал явдалт төрлийн кино, найруулагч Б.Баатарын “Этгээд” триллер төрлийн кинонд тоглосон юм. Өнгөрсөн онд гэхэд л жүжигчин Ч.Сэлэнгэ “UBS”…
“Netflix”-ийн алдарт “Squid Game” цувралын хоёрдугаар бүлгийн дуу “Billboard” жагсаалтыг тэргүүллээ. Тодруулбал, “Bodybag Zippers” хамтлагийн “Mingle Game Squid Song: Merry-Go-Round” дуу нь АНУ даяар англи, испани хэлээс өөр хэлээр дуулсан шилдэг дуунуудын энэ долоо хоногийн чансааг тэргүүлээд байгаа аж. Харин тус цуврал нээлтээ хийснээсээ хойш хоёр өдрийн дотор дэлхийн 93 оронд үзэлтээрээ тэргүүлээд буй юм. Сонирхуулахад, “Squid Game” цувралын нэгдүгээр бүлэг 21.4 сая ам.доллароор бүтээгдэж, нээлтээ хийснээс хойш хэдхэн сарын дараа 900 сая ам.долларын ашиг олжээ. Харин тус цувралын хоёрдугаар бүлгийг бүтээхэд ойролцоогоор 100 тэрбум вон зарцуулагдсан хэмээн тооцоолж байна.
“Монголын балетын хөгжил сан”-гийн дэргэдэх Монголын үндэсний балетын сургуулийн 25 сурагч гурван багшийн хамт “World Ballet Grand Prix Tokyо” уралдаанд оролцохоор Японы Токио хотноо очоод байна. “World Ballet Grand Prix Tokyо” нэгдүгээр сарын 21, 22, 23-нд Токио хотын “Митака Сити Холл”-д болох ба “Монголын балетын хөгжил сан”-гийн тэргүүн, Гавьяат жүжигчин, Соёлын элч Д.Алтанхуяг олон улсын шүүгчээр оролцоно. ЮНЕСКО-гийн FIBC (Federacion Internationale de Ballet Competitions) болон олон улсын балетын “Шорюү” нэгдэл хамтран уралдааныг зохион байгуулж байгаа бөгөөд дэлхийн 39 орны балетчид оролцож байна. Багийн хоёр, гоцлол дөрвөн үзүүлбэртэйгээр уралдааныг зорьсон сурагчид өчигдөр /2025.01.21/ нэгдүгээр шатны шалгаруулалтдаа оролцож, олон улсын сургалтад хамрагдлаа.…