“Blue moon” art gallery-н дэргэдэх “Аялагч зураачдын клуб”-ын санаачлагаар клубын уран бүтээлчид 2013.07.20-08.06-ны хооронд эх орныхоо үзэсгэлэнт байгалаар аялан 60 орчим бүтээлийн арвин их олзтойгоор анхны үзэсгэлэнгээ дэлгэн үзүүлж байна.
“Аялагч зураачдын клуб”-ын зорилго нь хүн-байгаль хоёрын хоорондын шүтэлцээг мэдрүүлэх цастай, бороотойд бэрхшээлийг даван туулан адал явдалтайгаар хүн бүр тэр болгон очиж чадхааргүй байгалийн өвөрмөц тогтоц бүхий газруудаар аялан уран бүтээл туурвих, уран бүтээлчдийг багаар ажиллах чадавхийг дээшлүүлэх явдал юм. Цаашид аялагч зураачдын клуб жил бүр 2-3 удаа байгалийн үзэсгэлэнт газар болон түүхийн дурсгалт газруудаар аялалыг зохион байгуулан аялалын тайлан үзэсгэлэнг тогтмол гаргахаар төлөвлөж байна.
Энэхүү үзэсгэлэнгээс та урлагаар дамжуулан эрүүл зөв аялал, урлагийн мэдрэмжээр дүүрэн байгалийн гэрэл, агаарын орчинг шууд мэдэрч байгалийн гоо сайханыг 9 уран бүтээлчийн өөр өөрийн арга барилаар хурдтай, хүчтэй бүтээсэн бүтээлүүдийг харах болно.
Уг үзэсгэлэн 2013 оны 9-р сарын 14-өөс 22-ныг дуустал “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021 дугаарын утсаар лавлана уу.
www.URLAG.mn
