Форбес сэтгүүлээс жил бүр ашиг орлогоороо тэргүүлж яваа оддын жагсаалтыг эрхлэн гаргадаг билээ. Энэ оны шилдгүүдийн талаарх мэдээллийг хүргэж байна.
1. ДУЭЙН ЖОНСОН
Жагсаалтын эхний байрт алдарт кино од Дуэйн Жонсон оржээ. Тэрбээр өнгөрөгч онд “Галзуу хурд-6” кинонд тоглож, 789 сая ам.долларын ашиг олсон байна. Түүний энэ оны нийт ашиг 1.3 тэрбум ам.долларт хүрчээ.
2. РОБЕРТ ДАУНИ
Бидний сайн мэдэх “Төмөр хүн” киноны гол дүр Роберт Дауни өнгөрч буй онд нийт 1.2 тэрбум ам.долларын ашигтай ажилласан байна. Түүний орлогын дийлэнхийг “The avengers” уран сайхны кино өгчээ.
3. СТИВ КАРЕЛ
Инээдмийн киноны од Стив Карел жагсаалтын гуравт бичигджээ. Түүний гол дүрийг нь бүтээсэн “‘Despicable Me” киноны хоёрдугаар цуврал бокс оффисын хамгийн их орлого олсон киноны хоёрдугаар байрт жагсчээ. Тэрбээр өнгөрч буй онд 964 сая ам.долларын ашигтай ажилласан байна.
4. ВИН ДИЗЕЛЬ
Жагсаалтын удаах байрт монголчууд бидэнд “Халзан асрагч” киногоор танил болсон авьяаслаг жүжигчин Вин Дизель багтжээ. Тэрбээр өнгөрөгч онд 887 сая ам.долларын ашигтай ажиллажээ.
5. САНДРА БУЛЛОК
Өнгөрсөн онд хамгийн их шуугиан тарьсан жүжигчин гэж хэлж болно. Түүний “Таталцал” хэмээх кино бокс оффисын шилдэг киноны жагсаалтад одоо ч багтсаар байгаа билээ. Энэхүү кино алдарт жүжигчинд 632 сая ам.долларын ашиг авчиржээ. Ингээд түүний өнгөрсөн оны нийт орлого 862 сая ам.доллар болсон байна.
6. ПОЛ УОКЕР
Хорвоо ертөнцийг харамсалтайгаар орхисон залуу жүжигчин Пол Уокер энэхүү жагсаалтад багтжээ. Түүний хамгийн сүүлд тоглосон “Галзуу хурд 6” уран сайхны кино үнэхээр шилдгүүдийн тоонд багтаж байлаа. Тэрбээр “Галзуу хурд 7” кинонд тоглож байсан боловч авто замын гэнэтийн ослоор нас барсан юм. Түүний өнгөрсөн оны орлого 789 сая ам.долларт хүрчээ.
7. БИЛЛИ КРИСТАЛ
“Мангасуудын их сургууль” киноны од Билли Кристал 743 сая ам.долларын ашигтай ажиллажээ.
8. ЖОН ГУДМАН
“Мангасуудын их сургууль” киноны бас нэгэн од Жон Гудман мөн 743 сая ам.долларын ашигтайгаар жагсаалтын наймдугаарт багтжээ.
9. КРИС ХЕМСВОРТ
“Тор” уран сайхны киноны гол дүрийн жүжигчин Крис Хемсворт 701 сая ам.долларын орлогоор жагсаалтын удаах байрт шалгарчээ.
10. ЖЕНИФЕР ЛОУРЕНС
Нээлтээ хийгээд удаагүй байгаа “Өлсгөлөн тулаан” киноны үргэлжлэл “Catching Fire” киноны гол дүрийн жүжигчин Женифер Лоуренс 700 сая ам.долларын ашигтайгаар жагсаалтыг удаалсан байна. Тэрбээр “Өлсгөлөн тулаан” киногоороо “Оскар” наадмын шилдэг жүжигчний шагналыг хүртэж байсан билээ.
Д.Хандаа
Эх сурвалж: times.mn
