Цэргийн дуу бүжгийн эрдмийн чуулга /ЦДБЭЧ/-ын хамт олон 92 дахь жилийн өвөл цагийн үзвэрийн нээлтээ таван Гавьяат цолтны хамтарсан тоглолтоор эхлүүллээ.
Тодруулбал, Төрийн шагналт, Урлагийн гавьяат зүтгэлтэн, хөгжмийн зохиолч, удирдаач Б.Нямдорж, Урлагийн гавьяат зүтгэлтэн, хөгжмийн зохиолч, удирдаач Ч.Гансүх, Урлагийн гавьяат зүтгэлтэн, хөгжмийн зохиолч, удирдаач Р.Ганбат, Урлагийн гавьяат зүтгэлтэн, үндэсний хөгжмийн багш, удирдаач Г.Батнасан, Гавьяат жүжигчин, бүжиг дэглээч Л.Ганчимэг нарын хамтран “Төгөлдөр өнгө” тоглолтоо толилуулсан юм. Энэхүү тоглолтод ЦДБЭЧ-ын бүрэн бүрэлдэхүүн болон Зэвсэгт хүчний “Жанжин” штабын Үлгэр жишээ үлээвэр найрал хөгжим, ШШГЕГ-ын дэргэдэх “Соёмбо” чуулгын гоцлол дуучин Н.Энхжаргал, Улсын филармонийн гоцлол дуучин Б.Дэлгэрбаяр нар оролцсон юм.
