“Хурд” хамтлагийн 30 жилийн ой өнгрсөн онд тохиож, ойн баярын тоглолтоо Төв цэнгэлдэх хүрээлэнд “Хурд-30 жил” нэртэйгээр хийсэн. Түүнчлэн эл ойн хүрээнд олон гэнэтийн бэлэг сонслгчдодоо хүргэхээр төлөвлөсний нэг нь бүрэн хэмжээний уран сайхны кино юм. Тодруулбал, “Хурд” хамтлаг “Бүсгүй” дуунаасаа сэдэвлэсэн бүрэн хэмжээний уран сайхны кино бүтээснээ үзэгчдэд хүргэх гэж байна. “Хайрлагдсан эмэгтэй хамгаас илүү үзэсгэлэн төгс, эрхэмсэг. Хайрлаж, хайрлуулж яваа бүсгүйчүүддээ зориулав” хэмээн онцолсон “Бүсгүй” уянгын драмын кинонд жүжигчин Г.Ариана, С.Ариунбямба нар гол дүрийг бүтээжээ. Энэхүү уран бүтээлийг ирэх оны нэгдүгээр сарын 16-наас бүх кинотеатруудаар үзэгчдийн хүртээл болгох юм байна.
“Хурд” хамтлагийн “Бүсгүй” дуунаас сэдэвлэсэн киног нэгдүгээр сарын 16-наас үзэгчдийн хүртээл болгоно
