Эрхэм хүндэт: Урлагт хайртай та бүхэнд
Гэрэл зурагчин Б.БАЯР-ын “МИНИЙ СЭТГЭГДЭЛ” гэрэл зургийн бие даасан үзэсгэлэн Блью Мүүн арт галерейн үзэсгэлэнгийн танхимд 2014.01.16-19-ны хооронд дэлгэгдэж та бүхний оюуны мэлмийг баясгах гэж байна. Тэрээр өсвөр залуу насандаа нийтийн явган аяллын идэвхитнээс эхлэн байгалын гоо сайханд татагдан гэрэл зургийн урлагт эргэлт буцалтгүй хөл тавьжээ.
Уг үзэсгэлэнгээс та байгаль дэлхий тэр тусмаа Монголоо хайрлах, Монголоороо бахархах, тухайн газрыг биеэрээ очиж үзэхсэн гэх дур хүсэл таньд төрүүлэх түүний 7 жилийн турш авсан зурагнуудаас бүрдсэн 125х75 хэмжээтэй шилдэг 100 зураг дэлгэгдэнэ.
Мөн үзэсгэлэнгийн үеэр уран бүтээлчийн гэрэл зургийн анхны цомог "Bayar's Photographic Impression" ном худалдаалагдах болно.
Уг үзэсгэлэн 2014 оны 01-р сарын 16-19-ны хооронд “Blue moon” арт галерейн үзэсгэлэнгийн танхимд үргэлжлэх бөгөөд дэлгэрэнгүй мэдээллийг 89806021, 88773410 дугаарын утсаар лавлана уу.
