Цагаан сарын баярт зориулсан “Номын сангийн хишиг өдөр” соёлын боловсролын хөтөлбөр 2025 оны хоёрдугаар сарын 20-27-ны ажлын өдрүүдэд Үндэсний номын сангийн төв байранд болно.
“Номын сангийн хишиг өдөр” соёлын боловсролын хөтөлбөрийн хүрээнд хуучин судар номын сан хөмрөгтэй танилцах, үнэт ховор номын музей үзэх, боловсролын хөтөлбөрт хамрагдах боломжтой. Мөн номын сангаа урлан бүтээх хөтөлбөрт хамрагдаж, “Номын сангийн нэг өдөр” зураг будах, “Номын сангийн нэг өдөр” зураг эвлүүлэх, “Би номын сангаа бүтээнэ” загвар будах боломжтой.
Виртуал орчноор танин мэдэх хөтөлбөрт хамрагдан “Монгол гэр” виртуал үзмэртэй танилцах, МУҮНС-ийн Салбар номын сангийн шинэ байртай танилцах, Номын сантай мэдлэг бүтээх хөтөлбөрт оролцож, “Цагаан сар” ёс заншлын мэдлэг бүтээх асуултад хариулж, номоор шагнуулах, “Цагаан сар” сэдэвт түүх соёл, ёс заншлын лекцийг сонирхож номын сантай дурсамж бүтээх боломжтой.
