“Монгол гэр бүл” гэрэл зургийн уралдааныг мэргэжлийн гэрэл зурагчид болон гэрэл зураг сонирхогчдын дунд зарлаж байна. Шилдэг бүтээлүүдээр “Монгол гэр бүл” гэрэл зургийн үзэсгэлэн гаргана.
УРАЛДААНЫ СЭДЭВ:
Монгол гэр бүлийн өнөөгийн байдал, халуун дулаан харилцаа, хүмүүсийн амьдрал, хувь заяа, аз жаргал, баяр гуниг, аж байдал гэх мэт амьдралын агшин бүрийг бүх өнцгөөр харуулсан байж болно.
УРАЛДААНД ОРОЛЦОГЧ:
- Мэргэжлийн гэрэл зурагчид
- Гэрэл зураг сонирхогчид
БҮТЭЭЛД ТАВИХ ШААРДЛАГА:
- 2024-2025 онд авсан гэрэл зураг байх.
- Нэг хүн 5 хүртэл бүтээл илгээх боломжтой.
- Зохиогчийн овог, нэр, бүтээлд оноосон нэр, бүтээлийг авсан он, сар, өдөр, хаана авсан зэрэг тодорхой тайлбартай байна.
- Уралдаанд ирүүлсэн бүтээлийг нийтийн хүртээл болгох, Гэр бүл, хөдөлмөр, нийгмийн хамгааллын яамны үйл ажиллагаанд ашиглана.
БҮТЭЭЛ ХҮЛЭЭН АВАХ ХУГАЦАА, ХАЯГ:
- 2025.02.24-2025. 03.15
- Уралдаанд оролцох бүтээлийг [email protected] цахим хаяг руу илгээнэ.
УРАЛДААНЫ ШАЛГАРУУЛАЛТ:
- “Монгол гэр бүл” гэрэл зургийн уралдаанд ирсэн бүтээлийг Гэр бүл, хөдөлмөр, нийгмийн хамгааллын яам, Монголын Гэрэл зурагчдын нэгдсэн холбооноос томилогдсон мэргэжлийн баг шүүж, шалгаруулна
ШАГНАЛЫН САН:
Мэргэжлийн төрөл
- I байр- 2,500,000 төгрөг
- II байр- 1,500,000 төгрөг
- III байр- 1,000,000 төгрөг
Сонирхогчдын төрөл
- I байр- 1,500,000 төгрөг
- II байр- 1,000,000 төгрөг
- III байр- 500,000 төгрөг
Уралдааныг Монгол Улсад Хүүхдийн байгууллага үүсэж, хөгжсөний 100 жилийн ойн хүрээнд Гэр бүл, хөдөлмөр, нийгмийн хамгааллын яам, Монголын Гэрэл зурагчдын нэгдсэн холбоо, эмэгтэй гэрэл зурагчдын “Бүсгүй мэлмий” НҮТББ-тай хамтран зохион байгуулж байна.
