Монгол, Өмнөд Солонгосын хамтарсан арга хэмжээ зохион байгуулагч анхны энтертайнмент компани болох “Evandis Entertainment”-аас өнгөрсөн есдүгээр сард Өмнөд Солонгосын алдарт дуучин, жүжигчин Rain буюу Жун Жи Хуны тоглолтыг Улаанбаатар хотод амжилттай зохион байгуулсан.
Тэгвэл тус энтертайнмент энэ удаа к-поп урсгалын хамгийн том төлөөлөл, Өмнөд Солонгосын алдарт “BigBang” хамтлагийн гишүүн, дуучин Taeyang-ийн тоглолтыг Улаанбаатар хотод зохион байгуулах гэж буй. Эл тоглолт Төв цэнгэлдэх хүрээлэнд ирэх зургаадугаар сарын 21-нд болно.
Тэгвэл эл тоглолтод хүчирхэг хоолойтой дуучин Ailee оролцохоор болжээ.
Ailee буюу Эми Ли 1989 оны тавдугаар 30-ны өдөр АНУ-ын Колорадо мужийн Денвер xотод төрж, өссөн солонгос гаралтай Америк уран бүтээлч юм. Эми Ли 2010 онд БНСУ-д нүүж очсон бөгөөд 2012 онд “Heaven” дуугаараа дебютээ xийсэн байдаг. Эндээс уран бүтээлийн гараагаа эхлүүлсэн түүний хувьд 2015 онд анхны цомгоо “Vivid” нэртэйгээр гаргаснаас хойш гурван ч цомгоор фэнүүддээ бэлэг барьжээ.
Өмнөд Солонгос болон Азийн xөгжмийн наадмуудаас 39 шагнал xүртсэн Ailee бол к-поп урсгалын өнгийг тодорxойлж байгаа томооxон уран бүтээлчдийн нэг юм.
